132 केव्ही अती उच्चदाब उपकेंद्र सबस्टेशनची गरज पण 33 केव्ही वर काम सुरू.
104 गावात फक्त 3 सबस्टेशन.
सुरेश पाचभाई मारेगांव,
मारेगांव तालुक्यात 104 गावांचा समावेश असुन तालुक्यात केवळ 3 सबस्टेशन आहे.त्या मध्ये मारेगांव 33 kv सबस्टेशन वर सुमारे 27 गावांचा समावेश आहे तर मार्डी 33 kv सबस्टेशन वर सुमारे 52 गावांचा समावेश आहे,आणी खापरी 33 kv सबस्टेशन वर सुमारे 15 गावांचा समावेश आहे.
सदर तीन ही सबस्टेशनला 33 kv सप्लाय हा राजुर व करंजी येथुन घेण्यात आला आहे.असुन मारेगाव त्यालुक्यातील सबस्टेशनला येणारा 33 KV सप्लाय हा सुमारे 15 कि.मी अंतरावरून असल्याने आणि झाडा झुडपातुन लाईंनचे पोल असल्यामुळे ऐन पावसाळ्यात वादळी वाऱ्यामुळे व पाउसामुळे लाईनच्या मध्ये मोठ्याप्रमाणात समस्या येतात मात्र कर्माचारी दिवस रात्र एक करुण सप्लाय सुरळीत करतात आणि नागरिकांचा रोष सुद्धा त्यांना सहन करावा लागत
असुन लाईनचे काम करण्यामध्ये अनेक तास निघुन जातात तर कधी कधी पुर्ण रात्र तालुक्यातील जनतेला अंधारात काडावी लागत आहे हे वास्तव्य आहे.मारेगांव तालुका हा आदिवासी बहुल तालुका आहे.तालुक्यातील सर्वात जास्त नागरीकचे वास्तव्य ग्रामीण भागात आहे.शहरा सह ग्रामीण भागातील लोकांना पावसाच्या दिवसात जाणाऱ्या लाईन मुळे कुचंबणा होत आहे.
मात्र गेल्या अनेक वर्षांपासून या समस्येकडे लोक प्रतिनिधीचे कायम दूर लक्ष आहे.तालुक्यांतील जनतेच्या नितांत गरज असलेला विद्युतचा प्रश्न कायम मिटविण्या साठी तालुक्यात 132 केव्ही अती उच्चदाब उपकेंद्र सबस्टेशनची तालुक्यात गरज आहे पण 33 केव्ही वर गेल्या अनेक वर्षापासून काम सुरू आहे.
132 केव्ही अती उच्चदाब उपकेंद्र जर मारेगांव तालुक्यात झाले तर तालुक्यातील जनतेचा लाईन येण्या-जाण्याच्या समस्या पासुन कायम सुटका होणार आहे.मात्र या गंभीर विषयाकडे लोक प्रतिनिधी किती गांभीर्यानं लक्ष केंद्रित करते या कडे तालुक्यातील जनतेचे आता लक्ष लागले असुन तालुक्यातील हा गंभीर विषय लवकरात लवकर मार्गी लावावा अशी जनतेची मागणी आहे.
