उसने दिलेले पैसे वापस मागितल्या मुळे मारहाण, त्या नंतर कीटकनाशक प्राशन.
मारेगाव तालुक्यातील टाकरखेळा येथील घटना.
मारेगांव तालुका प्रतिनिधी:- सुरेश पाचभाई
[9922862184]
नानाजी देवराव धानकी असे आत्महत्या केलेल्या इसमाचे नाव आहे. टाकरखेळा येथे उसने दिलेले 50 हजार रुपये परत मागण्यासाठी गेलेल्या सुमारे 55 वर्षीय नानाजी देवराव धानकी यांना मारहाण करण्यात आली होती. त्या घडलेल्या प्रकारामुळे निराश झालेले नानाजी धानकी यांनी 22 मे 2022 रोजी कीटकनाशक प्राशन केले व आत्महत्या करण्याचा प्रयत्न केला त्या मुळे त्यांना तातडीन मारेगाव येथील ग्रामीण रुग्णालयात उपचारासाठी दाखल करण्यात आले होते.
त्यांच्यावर प्रथम उपचार करून पुढिल उपचारासाठी वणी येथे सुगम हास्पिटल येथे उपचारासाठी दाखल करण्यात आले होते. नानाजी देवराव धानकी यांच्यावर 13 दिवसांपासून वणी येथे उपचार सुरू असताना काल उपचारादरम्यान मृत्यू झाल्याची घटणा समोर आली.नानाजी यांना आत्महत्येस प्रवृत्त केल्या प्रकरणी चौघांवर गुन्हा दाखल करण्यात यावे अशी मागणी मयतच्या पत्नी सुभद्रा नानाजी धानकी,यांनी मारेगाव पोलिस ठाण्यात तक्रार दाखल केली असुन या गंभीर घटनेची दखल घेत पोलिसांनी काही वेळातच संशीयत 4 आरोपीवर आत्महत्येस प्रवृत्त केल्याच्या संदर्भात कलम 306 (34) नुसार गुन्हा दाखल करण्यात आला आहे.
22 मे 2022 रोजी ही घटना घडली होती. विलास धानकी व इतर तिघांनी नानाजी देवराव धानकी यांना मारहाण केली आणि जिवानिशी मारण्याची धमकीही दिली होती. ही घटना मारेगाव तालुक्यातील टाकळखेळा तेथे घडली.त्यांना झालेल्या मारहाणीमुळे निराश होऊन नानाजी यांनी अखेर कीटकनाशक प्राशन केले 13 दिवसांपासून वणी येथे उपचार सुरू असताना काल 5 जुन रोजी रविवारला अखेरचा श्वास घेतला. नानाजी हे शेतकरी आल्याची माहिती प्राप्त झाली आहे.यांच्या मागे पत्नी, आहे .या प्रकरणाचा पुढील तपास मारेगाव पोलीस करत आहे.
