विदर्भ एस पि न्युज नेटवर्क:- मारेगांव,
मारेगाव तालुक्यात :- एकामगोमाग होणाऱ्या आत्महत्यांचे सत्र संपतांना दिसत नाही.काही दिवसांच्या विश्रांती नंतर पुन्हा आज सकाळी आत्महत्या झाल्याने तालुका पुरता हादरून गेलेला आहे.महादेव भाऊराव बेंडे वय सुमारे 48 वर्षे असे आत्महत्या केलेल्या इसमाचे नाव असून तो मारेगाव तालुक्यातील बोरी (गदाजी),येथील राहिवासी होता.
महादेव हा आपल्या कुटुंबा सोबत बोरी (गदाजी) येथे राहायचा.त्यांना सुमारे चार एकर शेती असल्याची माहिती सूत्राकडून प्राप्त झाली आहे.तो शेती करुण आपल्या कुटुंबाचा उदरनिर्वाह करायचा परंतु यावर्षी झालेल्या अतिवृष्टी व गेल्या तीन वर्षापासून तालुक्यातील काही भागात पूरबुडाई होत असल्याने नुकसानीमुळे बळीराजा पुरता मेटाकुटीस आला असुन शेतकऱ्यांचे पुरते कंबरडे मोडलेले आहे.
साधा लागवडीचा खर्च सुद्धा निघायची वेळ नसल्याने शेतकरी हवालदिल झाला.अशाच अवस्थेत असलेल्या महादेवने आज दिनांक 7 ऑगस्ट 2023 रोज सोमवारला पहाटे 4 वाजताच्या सुमारास बोरी (गदाजी) येथे स्वतच्या राहते घरी कीटक नाशक प्राशन करत यात ते जागीच गतप्राण झाले.यावर्षीही पुराचे पाणी महादेव यांचे शेतात शिरल्याने शेतीच्या झालेल्या प्रचंड नुकसानीमुळे मृत महादेव हे आर्थिक विवंचनेत असल्याने आत्महत्ये सारखे धक्कादायक पाऊल उचलले असल्याची माहिती आहे.
तालुक्यात सतत आत्महत्या होत असल्याने तालुक्यात काय चाललेले आहे.असा प्रश्न सर्वच स्तरातून उपस्थित होतांना दिसत आहे.महादेव याचे पश्चात आई,पत्नी, एक मुलगा,एक मुलगी,असा आप्त परिवार आहे.या प्रकरणाचा पुढील तपास मारेगाव येथील ठाणेदार जनार्धन खंडेराव यांच्या मार्गदर्शनात पोलीस जमादार राजु टेकाम करीत आहेत.