रेशीम उत्पादन तंत्रज्ञानाचे प्रशिक्षण संपन्न

सुरेश पाचभाई मारेगाव

मारेगाव: तालुक्यात रेशीम उद्योग वाढीस लागून शेतकऱ्यांना अतिरिक्त उत्पन्नाचा स्रोत सुरू व्हावा या उद्देशाने तालुका कृषि अधिकारी कार्यालयात रेशीम उत्पादन उद्योगाचे सविस्तर प्रशिक्षण देण्यात आले.

शासनाच्या म ग्रा रो ह यो योजनेअंतर्गत रेशीम उद्योगाकरिता अनुदान उपलब्ध असून या योजनेचा फायदा शेतकऱ्यांना व्हावा व रेशीम उद्योग वाढीस लागावा या करिता प्रशिक्षणाचे आयोजन करण्यात आले होते.
रेशीम विकास कार्यालय, यवतमाळ च्या रेशीम अधिकारी संगीता मुकरने यांनी तुती लागवड , शेड बांधकाम, रेशीम कीटक संगोपन याविषयी शेतकऱ्यांना सविस्तर मार्गदर्शन केले.

Maregaon: With the growth of the silk industry in the taluka, detailed training on the silk production industry was provided at the Taluka Agriculture Officer’s office with the aim of providing an additional source of income to the farmers.

तसेच तालुका कृषि अधिकारी मारेगाव दिपाली खवले यांनी रेशीम उद्योगाकरिता असलेल्या शासकीय योजना, अनुदान व रेशीम उद्योगाचे अर्थसहाय्य याविषयी शेतकऱ्यांना संबोधित केले.प्रशिक्षण संपताच शेतकऱ्यांच्या शंकांचे निरसन करण्यात आले व बऱ्याच शेतकऱ्यांनी शासकीय योजनेचा लाभ घेऊन रेशीम उद्योग सुरू करण्याची तयारी सुरू केली आहे.

शासकीय योजने अंतर्गत अनुदानावर तुती लागवड करून रेशीम उद्योग सुरू करण्याकरिता शेतकऱ्यांनी पुढे यावे व शेतीत शाश्वतता आणून आर्थिक स्थैर्य प्राप्त करावे व आपले जीवनमान उंचवावे असे आवाहन कृषि विभागामार्फत करण्यात आले आहे.