सुरेश पाचभाई मारेगाव,
चेन्नई येथे सुरू असलेल्या रोलर स्केटिंग फेडरेशन ऑफ इंडिया आयोजित ६१व्या नॅशनल स्केटिंग चॅम्पियनशिप २०२३ स्पर्धा मध्ये मुळगाव चींचोणी बोटोणी ता.मारेगाव जि. यवतमाळ सध्या राहणार कोंढवा बुद्रुक,पुणे येथील मनस्वी विशाल पिंपरे हिने (५ ते ७ वर्ष मुलीच्या वयोगटात) 200 मीटर स्पीड स्केटिंग रेस मध्ये महाराष्ट्र राज्यासाठी कांस्यपदक पटकावले.
मनस्वीने आपल्या महाराष्ट्र राज्याचे प्रतिनिधित्व करून अभिमानास्पद अशी कामगिरी केली आहे. वयाच्या सहाव्या वर्षी मनस्वी महाराष्ट्र राज्य टीम मधून खेळणे ही खुप मोठी झेप आहे.या राष्ट्रीय स्केटिंग स्पर्धेकरिता संपूर्ण भारतातून 25 राज्यांच्या स्पर्धकांनी सहभाग घेतला होता. मनस्वीच्या वयोगटात एकूण 18 राज्याचे 36 प्रतिस्पर्धी होते.
मनस्वी कट्टर प्रतिस्पर्धी यांच्या वर मात करत 200 मीटर स्केटिंग स्पर्धेत कांस्य पदक मिळविले.या राष्ट्रीय स्केटिंग स्पर्धे करिता गेल्या दोन महिन्यापासून मनस्वी स्वतः मेहनत करत असून तिचे प्रशिक्षक विजय मलजी सर यांचे मार्गदर्शन लाभले. याशिवाय तिच्या आई वडीलानी अथक परिश्रम घेतले आहे.ती सध्या रॉक ऑन व्हील स्केटिंग अकॅडमी कात्रज,पुणे येथे स्केटिंग प्राशिक्षण घेत असून मारुती बधे मेमोरियल स्कूल कोंढवा बुद्रुक येथे शिकत आहे.
मनस्वीच्या राष्ट्रीय स्केटिंग स्पर्धे करीता कोंढवा पोलीस स्टेशनचे वरिष्ठ पोलीस निरीक्षक संतोष सोनवणे सर व कोंढवा बुद्रुक येथील तनिष्का महिला ग्रुप आणि भैरवी सोशल फाऊंडेशन यांचे विशेष सहकार्य लाभले.तिच्या या यशाचे सर्वत्र कौतुक होत आहे.