मृत्यूचे कारण अस्पष्ट
सुरेश पाचभाई मारेगाव,
62 वर्षीय महिलेने विहिरीत उडी घेऊन आत्महत्या केल्याची घटना तालुक्यातील म्हैसदोडका येथे घडली. सदर घटना आज दि.25 मे ला दुपारी 3 वाजताच्या दरम्यान उघडकीस आली.शोभा वासुदेव पारखी असे आत्महत्या केलेल्या महिलेचे नाव आहे.
शोभा पारखी या आपल्या पतीसोबत म्हैसदोडका येथे राहत होत्या.त्या आज दि.25 मे ला दुपारी 1.30 ते 2 वाजताच्या दरम्यान घरून शेतात जातो असे सांगुन निघून गेल्या आणि गावापासून अंदाजे 1 किमी अंतरावर असलेल्या एका शेकऱ्याच्या शेतातील विहिरीमध्ये उडी घेतली आजूबाजूच्या काही शेतकऱ्याच्या लक्षात येताच सदर घटना उघडकीस आली.
शोभा यांच्या पतीच्या नावाने अंदाजे 5 एकर शेती असल्याची माहिती आहे.त्यांच्या पश्चात पती,तीन मुले,सुना,नातवंड आणि बराच मोठा आप्त परिवार आहे.या प्रकरणाचा पुढील तपास ठाणेदार शंकर पांचाळ यांच्या मार्गदर्शनात सहाय्यक पोलीस उपनिरीक्षक किसन सुंकरवार करीत आहेत.