भालेवाडी येथे हायवावर कारवाई
सुरेश पाचभाई मारेगाव,
अवैध मार्गाने रेतीची तस्करी करीत असलेल्या हायवावर मारेगाव महसूल विभागाने कारवाई केली.तालुक्यातील भालेवाडी येथे ही कारवाई करण्यात आली. त्यामुळे रेती तस्करांमध्ये भीतीचे वातावरण पसरले आहे.
मारेगाव तालुक्याला समृद्ध असा वर्धा नदीचा किनारा लाभला आहे. त्यामुळे या वर्धा नदीच्या मार्गाने मोठया प्रमाणावर रेतीची तस्करी होत असते.आजपर्यँत अनेक रेती तस्करांवर कारवाई सुद्धा झाली.परंतु रेतीची अवैध वाहतूक मात्र बंद झालेली नाही.अशातच काल बुधवारच्या मध्यरात्री ट्रॅक्टर व हायवा वाहनाने हे गोरखधंदे करीत असल्याने सातत्याने महसूल विभाग त्यांच्या कायम मागावर होते.
काल मध्यरात्री तहसीलदार उत्तम निलावाड यांच्या मार्गदर्शनात महसूल पथक रेती तस्करांच्या मागावर असतांना रेती भरलेला हायवा काल मार्डी ते मारेगाव मार्गाने रेती भरून येणारा हायवा (MH-34 AV 0079) हे अवैध वाहन भालेवाडी येथे पकडण्यात आले. पंचनामा करून दंडात्मक कारवाई साठी ताब्यात घेतलेला हायवा तहसील कार्यालयात येथे जमा करण्यात आल्याची माहिती आहे.
ही कार्यवाही तहसीलदार निलावाड यांचे मार्गदर्शनात तलाठी एस सी कुळमेथे,तलाठी व्ही बी सोयाम, गजानन वानखडे, मंगेश बोपचे,विजय किनाके यांनी केली.परिणामी, रेती तस्करांच्या दिवसागणिक मुजोऱ्या वाढून प्रशासनाला तुरी देण्याचे षडयंत्र नित्याचेच झाले असून सातत्याने महसूल विभाग ऍक्शन मोडवर येत रेती तस्करांचे मनसूबे हाणूण पाडण्यासाठी पारदर्शक अधिकारी तहसीलदार, मंडल अधिकारी, तलाठी, कोतवाल सातत्याने प्रयत्नशील आहेत.
