हीवरी येथील घटना.
मारेगांव तालुका प्रतिनिधी:- सुरेश पाचभाई
[9922862184]
मारेगाव तालुक्यातील हिवरी अर्जुनी मार्गावर हीवरी गावालगत आज दिनांक 10 जुलै 2022 रोज रविवारला दुपारी 3 वाजताच्या सुमारास रस्त्याच्या कडेला अंदाजे 35/40 वर्षीय अज्ञात व्यक्तीचा मृतदेह आढळला. काही नागरिक त्या मार्गाने जात असताना त्यांना सदर मृतदेह दिसून आला.
त्यांनी तात्काळ पोलिसांना या घटनेची माहिती दिली. माहिती मिळताच पोलिस घटनास्थळी दाखल झाले व घटनेचा पंचनामा करून मृतदेह शवविच्छेदनासाठी मारेगाव येथील ग्रामीण रुग्णालयात पाठविण्यात आला आहे.सदर इसमाचा मृत्यू नेमका कशाने झाला या बाबत वृत्त लिहेपर्यंत माहीती मिळाली नसुन उत्तरीय तपासणी नंतरच मृत्यूचे कारण कळणार असुन पुढील तपास ठाणेदार राजेश पुरी यांचे मार्गदर्शनात जमादार भालचंद्र मांडवकर करीत आहे.