खडकी टेकडीवरील आश्रमाजवळील घटना
सुरेश पाचभाई, मारेगाव
मारेगाव : तालुक्यातील खडकी टेकडीवरील वळण रस्त्यावर आश्रमाजवळ दुचाकीचे नियंत्रण सुटून संकेत फलकाला धडक बसल्याने झालेल्या अपघातात एक जण गंभीर जखमी झाला. ही घटना आज शनिवार, दिनांक 13 डिसेंबर 2025 रोजी सकाळी साडेअकरा वाजताच्या सुमारास घडली.
या अपघातात श्रीकृष्ण वसंता मडावी (रा. बोदाळ–मार्डी, ता. मारेगाव) हे गंभीर जखमी झाले आहेत. श्रीकृष्ण मडावी हे मारेगाव येथून काही कामानिमित्त हटवांजरी येथे भावाच्या भेटीसाठी दुचाकीने जात होते. मारेगावपासून अंदाजे पाच किलोमीटर अंतरावर असलेल्या खडकी टेकडीवरील वळण रस्त्यावर त्यांच्या दुचाकीचा (क्रमांक MH-32 T 6392) ताबा सुटला. त्यामुळे दुचाकी थेट रस्त्याच्या कडेला असलेल्या संकेत फलकाला धडकली.
या धडकेत मडावी यांच्या डोक्याला व शरीराच्या इतर भागांना गंभीर दुखापत झाली. अपघातानंतर रस्त्याने ये-जा करणाऱ्या नागरिकांनी साई मित्र परिवाराच्या रुग्णवायकेस पाचरण केले व तत्काळ मदत करत जखमींना मारेगाव येथील ग्रामीण रुग्णालयात दाखल केले. तेथे त्यांच्यावर प्राथमिक उपचार करण्यात आले असून पुढील उपचारासाठी चंद्रपूर येथे स्थलांतरित करण्यात आल्याची माहिती आहे.सदर अपघाताचा पुढील तपास मारेगाव पोलीस करीत आहेत.
