नागरिकांमध्ये भीतीचे वातावरण
सुरेश पाचभाई मारेगाव
मारेगाव तालुक्यात पुन्हा एकदा वाघाची एन्ट्री झाली असून दांडगाव येथील जुन्या रिठावर वाघाचे ठसे आढळून आले.यामुळे नागरिकांमध्ये भीतीचे वातावरण निर्माण झाले आहे.नदी काठावर असलेल्या शेतकऱ्यांना आता शेतात जायचे कसे आणि ओलीतातील पीक काढायचे कसे असा प्रश्न पडलेला आहे.
मारेगाव तालुक्यातील वर्धा नदीच्या काठावर असलेल्या दांडगाव जुना रिठावर आज दिनांक 25 मार्च 2025 रोज मंगळवारला सकाळी काही शेतकऱ्याला वाघ दिसला.त्यांनी गावात येऊन वाघ असल्याचे सांगितले.त्या मुळे गावाती काही नागरिकांनी प्रत्यक्ष जावून पाहणी केली असता त्यांना वाघाच्या पायाचे ठसे आढळून आले.वाघ जुन्या गावात असल्याने गावकऱ्यांन मध्ये भीतीचे वातावरण निर्माण झाले आहे.
वरोरा जाण्याच्या मार्गांवर दांडगाव येथील हे जुने रिठ असल्याने या रस्त्याने रहदारी मोठ्या प्रमाणात असते. याच मार्गांवर वाघाचे अस्तित्व असल्याने नागरिकांत भीतीचे वातावरण निर्माण झाले आहे.गावकऱ्यांनी लागेच ही माहिती वनविभागाच्या अधिकाऱ्यांना दिली. वनविभागाची चमू त्या परिसरात वाघाचा शोध घेण्याकरिता दाखल झाली आहेत.
वनविभागाची चमू दांडगाव परिसरात पोहचले असून प्रथमदर्शी वाघाचेच ठसे असल्याचे निष्पन्न होत आहे. परिसरात वनविभागाच्या वतिने कॅमेरे लावले जात आहे. मात्र नागरिकांनी घाबरून न जाता सतर्क राहावे. वरिष्ठाना कळवून वाघाचा शोध घेतला जात आहे.
शंकर हटकर
वनपरीक्षेत्र अधिकारी मारेगाव
