आज अभिषेक असता तर घोसाळकरांचे घर फोडण्याची भाजपची हिंमत झाली नसती, मला विनोद घोसाळकरांचा अभिमान वाटतोय. पण यावेळी भावनेत अडकू नका, मी तेजस्वी घोसाळकर यांच्या विरोधात आलो नाही, तर भाजपची प्रवृत्ती ठेचायला आलोय, असे विधान शिवसेना ठाकरे गटाचे प्रमुख उद्धव ठाकरे यांनी केले होते. यावर आता भाजपच्या उमेदवार तेजस्वी घोसाळकर यांनी प्रत्युत्तर दिले आहे. मुंबईतील वॉर्ड क्रमांक 2 मधील ठाकरे गटाच्या उमेदवार धनश्री कोलगे यांच्या प्रचार कार्यालयात उद्धव ठाकरेंनी भेट दिली होती. त्यावेळी भाजपने घोसाळकरांच्या घरात भांडण लावून फोडाफोडी केली, असेही उद्धव ठाकरे म्हणाले होते. यावर तेजस्वी घोसाळकर म्हणाल्या, मी आणि अभिषेकने दोघांनी मिळून प्रत्येक निर्णय घेतले होते. अभिषेक असता तर जे काही असेल ते दोघांनी मिळूनच केले असते. मला असे वाटते की, अजूनही अभिषेक माझ्याबरोबरच आहेत. उद्धव ठाकरे अभिषेकचे नाव घेऊन उगाचच प्रचार करत आहेत. निष्ठावंत वैगरे…ते चुकीचे आहे. उगाचच तुम्ही अभिषेकचे नाव कशाला घेत आहात. माझा नवरा आहे, मी काहीही करु शकते, अशी प्रतिक्रिया तेजस्वी घोसाळकर यांनी दिली आहे. तेजस्वी घोसाळकर या शिवसेना ठाकरे गटाच्या माजी नगरसेविका आहेत. तसेच माजी नगरसेवक अभिषेक घोसाळकर यांच्या त्या पत्नी. आता त्यांनी भाजपमध्ये प्रवेश केला असून महापालिका निवडणुकीसाठी उमेदवार आहेत. 2017 साली झालेल्या मुंबई महापालिकेच्या निवडणुकीत शिवसेना ठाकरे गटाकडून प्रभाग क्रमांक 1 मधून तेजस्वी घोसाळकर विजयी झाल्या होत्या. त्यानंतर 15 डिसेंबर 2025 रोजी तेजस्वी घोसाळकर यांनी शिवसेना ठाकरे गटाला रामराम करत भाजपमध्ये प्रवेश केला.
उद्धव ठाकरे म्हणाले अभिषेक असता तर भाजपची हिंमत झाली नसती:ठाकरेंच्या टीकेला तेजस्वी घोसाळकरांचे प्रत्युत्तर, म्हणाल्या- त्यांचे नाव घेत उगाचच प्रचार करतायत
Ad Banner
Show Comments (0)
Hide Comments (0)
Subscribe
Login
0 Comments
Oldest
