भाजप नेते प्रवीण दरेकर यांनी शुक्रवारी मुंबई महापालिकेच्या निकालानंतर हिंदीभाषक आणि उत्तर भारतीयांचे आभार मानले. भाजप मुंबई तोडणार नाही, तर ती जोडणार असल्याची ग्वाही यावेळी दिली. प्रवीण दरेकर यांचे बंधू प्रकाश दरेकर दहिसरमधील वॉर्ड क्रमांक तीनमधून विजयी झाले. या विजयानंतर त्यांनी ही प्रतिक्रिया दिव्य मराठीशी बोलताना दिली. मराठी भाषक आणि उत्तर भारतीयांमध्ये तेढ निर्माण केल्याचा प्रयत्न झाला. मात्र, मुंबईकर आणि मराठी माणसांनी त्यांना उत्तर दिले. इथे सारे गुण्यागोविंदाने नांदत आहेत, हे दाखवून दिले, असा टोलाही त्यांनी ठाकरे बंधूंना नाव न घेता हाणला. प्रचंड आनंद देणारा विजय भाजप नेते प्रवीण दरेकर दिव्य मराठीशी बोलताना म्हणाले की, आज आम्हाला खूप आनंद आहे आमच्या महायुतीच्या कार्यकर्त्यांनी केलेले परिश्रम आणि देवाभाऊ आणि एकनाथ शिंदेंच्या नेतृत्वावर मुंबईकरांचा असणारा विश्वास हा या ठिकाणी दिसला. त्यामुळे हा विजय आम्हाला प्रचंड आनंद देणारा असा आहे.’ तेढ निर्मितीचा प्रयत्न फसला भाजप नेते प्रवीण दरेकर म्हणाले की, ‘हिंदीभाषी, उत्तर भारतीयांचा मनापासून आभारी आहे. खरे म्हणजे मराठी भाषक आणि उत्तर भारतीयांमध्ये तेढ निर्माण करण्याचा प्रयत्न होता. परंतु मुंबईकरांनी आणि मराठी माणसांनी दाखवून दिलं उत्तर भारतीय सुद्धा आमच्यासोबत इथे गुण्यागोविंदाने नांदत आहेत. उत्तर भारतीयांनी दाखवलं या मातीनं आम्हाला मोठें केले आहे. या मातीचा सन्मान केला पाहिजे.म्हणून ते ही आमच्याबरोबर आहेत. उपकाराचे प्रचंड बरडन भाजप नेते प्रवीण दरेकर म्हणाले की, ‘भाजप मुंबई तोडणार नाही. आम्ही मुंबई जोडणार आहोत. मुंबई आता आम्ही जोडलेली आहे. याही पुढे जाऊन आमचे मुंबई मिशन आमचे सगळे नगरसेवक रांगेत जिंकून येत आहेत. आमचे हर्षद कारकर आहेत. उमेदवार संजय घाडी आणि त्यांच्या पत्नी संजना घाडी आहेत. हे ताकदीने त्या ठिकाणी उभे राहिले. महायुतीचा परिवार म्हणून आम्ही हा वेगळा आनंद सध्या उपभोगतो आहेत आणि मुंबईकरांचे उपकार कसे फेडायचे याचे बरडन आमच्या मनावर आहे.’
