महापौरपदाच्या शर्यतीत भाजपमधील 40 पैकी 10 नगरसेविका आग्रही असल्याने या पदाचा निर्णय स्थानिक पातळीवर घेणे अवघड झाले आहे. त्यामुळे मुंबईत मुख्यमंत्री देवेंद्र फडणवीस व पक्षाचे प्रदेशाध्यक्ष रवींद्र चव्हाण यांच्या उपस्थित नाशिकच्या महापौर पदाबाबत निर्णय होणार असल्याचे जलसंपदा तथा नाशिकचे कुंभमेळा मंत्री गिरीश महाजन यांनी सांगितले. केंद्र सरकारने सादर केलेल्या अर्थसंकल्पाबाबत भाजपच्या कार्यालयात मंत्री महाजन यांच्या पत्रकार परिषदेचे आयोजन करण्यात आले होते. यावेळी त्यांनी केंद्रीय अर्थमंत्री निर्मला सीतारामन यांनी सादर केलेला अर्थसंकल्प सर्वसमावेश असल्याचे सांगतानाच भाजप सरकाने 11 वर्षांच्या काळात घेतलेल्या निर्णयामुळे देशाची प्रगती झाली असून आपण आता एक्स्पोर्टर झालो आहोत. 2047 मध्ये आपला देश आर्थिक महासत्ता असेल असा दावा त्यांनी केला. यावेळी आमदार सीमा हिरे, शहराध्यक्ष सुनील केदार, प्रवक्ते गोविंद बोरसे आदींसह नगरसेवक उपस्थित होते. व्यासपीठावर स्पर्धक नगरसेविका विराजमान महापालिका निवडणूकीत भाजपने 72 जागा जिंकून स्पष्ट बहुमत मिळवले आहे. नाशिकचे महापौरपद सर्वसाधारण महिला संवर्गासाठी जाहीर झाल्याने भाजपच्या 40 पैकी 16 महिला या पदासाठी पात्र आहेत. पत्रकार परिषदेनंतर मंत्री महाजन यांना महापौरपदाबाबत विचारले असता या पदासाठी 10 महिला आग्रही असल्याचे सांगत यावरर मुंबईत निर्णय होईल,असे स्पष्ट केले. यावेळी मंत्री महाजन यांच्यासमवेत व्यासपीठावर महापौरपदाच्या शर्यतीत असलेल्या हिमगौरी आडके, स्वाती भामरे, डॉ. दीपाली कुलकर्णी व सुप्रिया खोडे विराजमान झालेल्या होत्या.
नाशिकमध्ये महापाैरपदासाठी 10 महिला आग्रही:मात्र अंतिम फैसला हाेणार मुंबईतच, मंत्री गिरीश महाजन यांचे स्पष्टीकरण, 40 पैकी 16 नगरसेविका पात्र
Ad Banner
Show Comments (0)
Hide Comments (0)
Subscribe
Login
0 Comments
Oldest
