सुरेश पाचभाई, मारेगाव
मारेगाव, ता. मारेगाव (जि. यवतमाळ) : येथील कु.भारती गजानन खोले यांची शैक्षणिक मूळ कागदपत्रांची फाईल हरवल्याची घटना घडली आहे. याबाबत त्यांनी मारेगाव पोलीस ठाण्यात तक्रार दाखल केली आहे.
तक्रारीनुसार, कु. खोले या दि. २३ फेब्रुवारी २०२६ रोजी नागपूर येथून मारेगाव येथे आपल्या आई-वडिलांकडे आल्या होत्या. दि. २४ फेब्रुवारी २०२६ रोजी परत नागपूरला जाण्यासाठी त्या वडिलांसोबत दुचाकीने निघाल्या असता, मारेगाव येथून वणी कडे जाताना मारेगाव बसस्थानक ते गौराळा फाटा दरम्यान दुपारी सुमारे २ वाजताच्या सुमारास दुचाकीच्या डिकीत ठेवलेली शैक्षणिक मूळ कागदपत्रांची फाईल हरवली.
हरविलेल्या फाईलमध्ये जात प्रमाणपत्र, जात वैधता प्रमाणपत्र व शुद्धीपत्र, अधिवास प्रमाणपत्र, राष्ट्रीयत्व प्रमाणपत्र, इयत्ता १० वी व १२ वी गुणपत्रिका व बोर्ड प्रमाणपत्रे, बीएएमएस पदवी प्रमाणपत्र, लिव्हिंग सर्टिफिकेट, पासिंग सर्टिफिकेट, प्रोव्हिजनल डिग्री, प्रथम ते अंतिम वर्षांच्या गुणपत्रिका तसेच इंटर्नशिप पूर्णत्व प्रमाणपत्र आदी महत्त्वाची शैक्षणिक कागदपत्रे होती.
सदर कागदपत्रे कोणास आढळल्यास संबंधितांनी मारेगाव पोलीस ठाण्यात जमा करावीत किंवा मोबाईल क्रमांक ७८७५५१३७५६ वर संपर्क साधावा, असे आवाहन करण्यात आले आहे.
