लंम्पी स्कीन आजाराचा प्रादुर्भाव रोकण्यासाठी पशुसंवर्धन विभाची धडक मोहीम.
तालुका प्रतिनीधी :-झरी (जामनी) ज्ञानेश्वर आवारी
[88059 79173]
झरी जामणी :- सध्या राज्यातील पशुपालक चिंतेत आहेत. कारण जनावरांवर लम्पी स्कीन या आजाराचा प्रादुर्भाव होताना दिसत आहे. राज्यातील काही जिल्ह्यातील जनावरांमध्ये लम्पी आजार आढळून आला आहे.
लम्पी त्वचा रोग हा केवळ गोवंश व म्हैस वर्गातील जनावरांना होणारा विषाणूजन्य त्वचारोग आहे. हा रोग कीटकांपासून पसरतो. त्यामुळं पशुपालकांनी आपल्या जनावरांची योग्य ती काळजी घेणं गरजेचं आहे. देशातील विविध राज्यात याचा प्रादुर्भाव वाढताना दिसत आहे.
झरी जामणी तालुक्यात तीसहजार जनावरांवर असून वाढता प्रादुर्भाव लक्षात घेता पशुधन विकास अधिकारी बालाजी जाधव यांच्या मार्गदर्शनाखाली त्यांची टीम प्रत्येक गावोगावी जावून लसीकरण करातांना दिसते.
आजपर्यंत पंचवीस हजार पाचशे जनावराचे लसीकरण पूर्ण झाले आहे.आणखी लस उपलब्ध होतात साडेचार हजार जनावराची लसीकरण या आठवड्यात पूर्ण होणार असल्याचे सांगण्यात आले आहे .
