बातमी ऐका (Marathi Voice Reader)
येथील लोहारा एमआयडीसी परिसरातील ‘नर्मदा कोटेक्स जिनिंग’मध्ये शॉर्टसर्किटमुळे अचानक भीषण आग लागुन कापूस जळून खाक झाला असून, व्यापाऱ्याचे मोठे आर्थिक नुकसान झाल्याचा प्राथमिक अंदाज आहे. घटनेची माहिती मिळताच अग्निशमन विभागाने तातडीने धाव घेत आगीवर नियंत्रण मिळवले. लोहारा एमआयडीसी येथील नर्मदा कोटेक्स जिनिंगमध्ये नेहमीप्रमाणे कामकाज सुरू असताना अचानक शॉर्टसर्किट झाले. शॉर्टसर्किटमुळे उडालेल्या ठिणग्या बाजूलाच ठेवलेल्या कापसाच्या ढिगाऱ्यावर पडल्या आणि पाहता-पाहता आगीने रौद्ररूप धारण केले. कापूस अत्यंत ज्वलनशील असल्याने संपूर्ण जिनिंग परिसरात आगीचे लोळ आणि धुराचे साम्राज्य पसरले. यामुळे परिसरात काही काळ अग्निशमन जवानांची कामगिरी कौतुकास्पद ही भीषण आग विझवण्यात अग्निशमन दलाच्या कर्मचाऱ्यांनी मोलाची भूमिका बजावली. यामध्ये प्रामुख्याने वाहन चालक मनीष पवार, फायरमन रोहीत इमलीकर आणि धनराज मारबदे यांनी स्वतःच्या जिवाची पर्वा न करता आगीच्या ज्वालांशी लढा दिला. या जवानांच्या अथक परिश्रमांमुळे जिनिंगमधील उर्वरित साठा आणि आजूबाजूचा परिसर सुरक्षित राहिला. जवानांच्या या कामगिरीचे परिसरात कौतुक होत आहे. या दुर्घटनेत सुदैवाने कोणतीही जीवितहानी झाली नसली.
