मनसे पदाधिकाऱ्याला भरधाव कारची धडक:बदलापुरातील थरारक अपघात सीसीटीव्ही कॅमेऱ्यात कैद, चालक फरार

बदलापूरमध्ये महाराष्ट्र नवनिर्माण सेनेचे पदाधिकारी राजेश शेटे यांना भरधाव कारने जोरदार धडक दिल्याची घटना समोर आली आहे. स्वातंत्र्यवीर सावरकर उड्डाणपुलावर झालेल्या या अपघातात शेटे गंभीर जखमी झाले असून त्यांच्यावर खासगी रुग्णालयात उपचार सुरू आहेत. ही संपूर्ण घटना सीसीटीव्ही कॅमेऱ्यात कैद झाली आहे. हा अपघात रविवारी (७ जून) रात्री साडेअकराच्या सुमारास बदलापूर पूर्व येथील स्वातंत्र्यवीर सावरकर उड्डाणपुलावर घडला. राजेश शेटे हे दुचाकीवरून बिलोली परिसरातून आदर्श नगरच्या दिशेने जात असताना एका भरधाव चारचाकी वाहनाने त्यांच्या दुचाकीला जोरदार धडक दिली. धडक इतकी भीषण होती की शेटे रस्त्यावर फेकले गेले आणि गंभीर जखमी झाले. चालक घटनास्थळावरून फरार घटनेनंतर स्थानिक नागरिकांनी तातडीने मदतीसाठी धाव घेत शेटे यांना जवळच्या रुग्णालयात दाखल केले. सध्या त्यांच्यावर उपचार सुरू असून प्रकृतीबाबत डॉक्टरांकडून विशेष लक्ष ठेवण्यात येत आहे. दरम्यान, अपघात घडवून संबंधित कार चालक घटनास्थळावरून फरार झाल्याची माहिती आहे. घटना सीसीटीव्ही कॅमेऱ्यात कैद या अपघाताची संपूर्ण घटना परिसरातील सीसीटीव्ही कॅमेऱ्यात कैद झाली असून पोलिसांनी फुटेज ताब्यात घेतले आहे. सीसीटीव्हीच्या आधारे वाहनाचा क्रमांक आणि चालकाची ओळख पटवण्याचे काम सुरू आहे. अपघाताची माहिती मिळताच मनसे कार्यकर्त्यांनी रुग्णालयात गर्दी केली असून दोषी चालकाविरोधात कठोर कारवाईची मागणी केली जात आहे. साखरपुड्याच्या आनंदावर काळाचा घाला!:अंमळनेरजवळ भीषण तिहेरी अपघात; गुजरातमधील एकाच कुटुंबातील 5 जणांसह 6 ठार साखरपुड्याच्या आनंदासाठी घराबाहेर पडलेल्या एका कुटुंबावर नियतीने काळाचा घाला घातला. जळगाव जिल्ह्यातील अमळनेर-धुळे महामार्गावर मंगरूळ गावाजवळ मंगळवारी सकाळी झालेल्या भीषण तिहेरी अपघातात सहा जणांचा जागीच मृत्यू झाला. कार, एसटी बस आणि मोटारसायकल यांच्यात झालेल्या या भीषण अपघातामुळे परिसरात हळहळ व्यक्त होत आहे. अपघातात गुजरातमधील व्यारा येथील एकाच कुटुंबातील पाच जणांचा मृत्यू झाला असून धरणगाव येथील मोटारसायकलस्वाराचाही जागीच मृत्यू झाला आहे. सविस्तर वाचा