बातमी ऐका (Marathi Voice Reader)
तपोवन परिसरातील जंगलात २ जून रोजी जळालेल्या अवस्थेत एका तरुणीचा मृतदेह आढळून आला होता. दोन दिवसांनंतर पोलिसांनी मृतदेहाची ओळख पटवली. डीएनए चाचणीच्या आधारे हा मृतदेह काजल जितेंद्र इंगळे (वय २२) या तरुणीचा असल्याचे स्पष्ट झाले. मात्र, या प्रकरणातील आरोपी पोलिसांच्या हाती लागत नव्हता. अखेर सखोल तपासानंतर गुन्हे शाखेने गुरुवारी (दि. ११) दुपारी काजलच्या मावस भावाला अटक केली असून या गुंतागुंतीच्या हत्येचा उलगडा करण्यात शहर पोलिसांना नवव्या दिवशी यश आले आहे. चेतन सुनील थोरात (२३, रा. तेजस विहार, राजुरा) असे पोलिसांनी पकडलेल्याचे नाव आहे. चेतन हा काजलचा सख्खा मावस भाऊ आहे. काजल इंगळे ही मूळची विश्रोळी येथील रहिवासी होती. ती काही काळ राजुरा भागात भाड्याच्या खोलीत राहत होती. मे महिन्यात तिने ती खोली सोडली होती. काजलचे जून महिन्यात लग्न होणार होते. दरम्यान काही कामानिमित्त ती ३० मे रोजी अमरावतीत आली होती. त्यादिवशी ती राजुरा येथे राहणाऱ्या मावशीकडे, म्हणजेच चेतनच्या घरी थांबली होती. ३१ मे रोजी सायंकाळी सुमारे चार ते साडेचार वाजताच्या सुमारास चेतन काजलला सोबत घेऊन तपोवन परिसरात फिरायला गेला. आयुक्तांनी केली चौकशी चेतनवर संशय बळावल्यानंतर गुन्हे शाखेने त्याची कसून चौकशी सुरू केली होती. गुरुवारी दुपारी दोन वाजता पोलिस आयुक्त राकेश ओला स्वतः गुन्हे शाखेच्या कार्यालयात पोहोचले. त्यांनी सुमारे अर्धा तास चेतनची सखोल चौकशी केली. यावेळी चेतनने खुनाची कबुली दिली आव्हान ठरलेल्या या हत्याकांडाचा उलगडा झाला. कारणाचा शोध सुरू या प्रकरणात काजलच्या मावस भावाला अटक करण्यात आली आहे. त्याने खून केल्याची कबुली दिली आहे. मात्र खुनामागील कारण अद्याप स्पष्ट झालेले नाही. त्या दृष्टीने तपास सुरू आहे. – दिनेश दहातोंडे, पीआय, गुन्हे शाखा युनिट-१. ३५० फुटेजची तपासणी घटनास्थळ जंगलात असल्याने परिसरात सीसीटीव्ही कॅमेरे नव्हते. तरीही गुन्हे शाखेने तपोवन आणि आसपासच्या सुमारे दोन किलोमीटर परिसरातील ३५० हून अधिक सीसीटीव्ही फुटेजची तपासणी केली. तपासादरम्यान आरोपीने वडाळी परिसरातून पेट्रोल खरेदी केल्याची माहिती पोलिसांना मिळाली. म्हणून पोलिसांचा चेतनवर संशय जास्त बळावला चेतन हा मारेकरी असावा असा संशय सुरूवातीला पोलिसांना नव्हता. मात्र ३१ मे म्हणजेच खून झाला त्या दिवसाचे स्वत:च्याच मोबाईलमधील काही फोटो त्याने डिलीट केले होते. तसेच त्याने वडाळी भागातून बॉटलमध्ये ३० रुपयांचे पेट्रोल व आगपेटी घेतली. तसेच अन्य काही परिस्थितीजन्य पुरावे पोलिसांच्या हातात आले.
