बातमी ऐका (Marathi Voice Reader)
स्वच्छ, सुंदर आणि निरोगी समाज घडविण्याच्या उद्देशाने जिल्हा प्रशासनाच्या वतीने शनिवारी (१३ जुन) जिल्ह्यात विशेष स्वच्छता मोहीम राबविण्यात आली. जिल्हाधिकारी विनय गौडा जी. सी. व मुख्य कार्यकारी अधिकारी मिन्नु पी.एम. यांच्या मार्गदर्शनाखाली वैजापूर तहसील कार्यालयात अधिकारी, कर्मचारी यांनी तर पैठण तालुक्यातील बोकुड जळगाव, चितेगाव येथे ग्रामस्थांनी एकत्र येत श्रमदानातून परिसर चकाचक केला. सरकारी कार्यालयांमध्ये स्वच्छतेचे आदेश अनेकदा केवळ कागदावरच राहतात, मात्र वैजापूर तहसील कार्यालयाने याला छेद दिला. शनिवारी पहाटे सात वाजताच तहसीलदार सुनील सावंत यांच्यासह सर्व अधिकारी व कर्मचारी झाडू, फावडे आणि टोपल्या घेऊन मैदानात उतरले. जुने डीएड महाविद्यालय येथे तात्पुरत्या स्वरूपात सुरू असलेल्या तहसील कार्यालयाचा परिसर अवघ्या दोन तासांच्या सामूहिक श्रमदानातून चकाचक करण्यात आला. आवारातील वाढलेले गवत, झुडपे, पालापाचोळा आणि प्लास्टिक कचरा हटवून प्रशासनाने नागरिकांसमोर स्वच्छतेचा नवा आदर्श ठेवला. या मोहिमेत तहसीलदार सुनील सावंत, नायब तहसीलदार सुरज कुमावत, प्रवीण काकडे, सहाय्यक महसूल अधिकारी दीपक त्रिभुवन, पारस पेटारे, नितीन यलगाटवार, महसूल सहाय्यक बिबिसार कावळे, महेश आणि सचिन गायकवाड यांच्यासह सर्व महसूल सेवकांनी उत्साहाने सहभाग घेतला. वैजापूर येथील स्वच्छता मोहीम केवळ कार्यालयाच्या आवारापुरती मर्यादित राहिली नाही. अधिकारी व कर्मचाऱ्यांनी स्वतःचे दालन, फाईल टेबल, नोंदवही कक्ष आणि विविध विभागांचीही स्वच्छता यावेळी करण्यात आली. चितेगाव ग्रामपंचायत परिसरात जिल्हा परिषद सदस्य कुण्णा गिधाने, सरपंच नितीन गिधाने, प्रवीण शिंदे, किरण शेळके, अभिजित मगरे व वाहिदभाई यांच्या उपस्थितीत गाव स्वच्छ ठेवण्याचे आवाहन केले. बोकुड जळगावला ग्रामस्थांचा पुढाकार येथे जिल्हा परिषद प्राथमिक शाळेपासून स्वच्छता अभियानाला सुरुवात झाली. यावेळी शाळा परिसर, सार्वजनिक ठिकाणे आणि आरोग्य उपकेंद्राची स्वच्छता करण्यात आली. चितेगाव येथे सहाय्यक गट विकास अधिकारी राजेश कांबळे, सरपंच भाऊसाहेब तरमळे, उपसरपंच हरिभाऊ आवारे, ग्रामविकास अधिकारी चौथे व मुख्याध्यापक नागमवार यांनी स्वतः झाडू हातात घेऊन श्रमदान केले. यावेळी शिक्षक लेडे, शिंदे, सोनार, राऊत यांच्यासह आरोग्य उपकेंद्रातील समुदाय आरोग्य अधिकारी विकास करपकांडे, प्रफुल्ल ताकवले, आरोग्य सेवक चंद्रकांत मगरे, वैभव कांबळे, शुभांगी जाधव व मोहिनी साठे, आशा सेविका अर्चना मनचरे, रंजना चव्हाण, पद्माबाई छडिदार, लक्ष्मण सोनवणे, ज्ञानेश्वर तरमळे आदींनी सहभाग घेतला. स्वच्छता ही आपली सामाजिक जबाबदारी Ãजिल्हाधिकारी विनय गौडा जी. सी. व मुख्य कार्यकारी अधिकारी मिन्नु पी.एम. यांच्या मार्गदर्शनाखाली वैजापूर तहसील कार्यालयात स्वच्छता मोहीम राबविण्यात आली. ही केवळ एक सरकारी मोहीम नसून ती आपली सामाजिक जबाबदारी आहे. जेव्हा अधिकारी स्वतः काम करतात, तेव्हा जनतेलाही त्याची प्रेरणा मिळते. – सुनील सावंत, तहसीलदार, वैजापूर
