ओमराजे हा भंपक माणूस, नावातील ‘राजे’ शब्द काढा:शिंदे गट म्हणजे शहांचे ‘टेस्ट ट्यूब बेबी, ऑपरेशन टायगर’ नाही आमचे कोल्हे पळाले- संजय राऊत

ओमराजे हा भंपक माणूस आहे. त्यांच्या नावातील राजे शब्द काढावा असे आमचे चंदनशिवे म्हणाले. ओमराजेचे भाषण ऐका ते कबुल करतात की ते संकटात असताना उद्धव ठाकरेंनी मला आमदार-खासदार केले मी त्यांची साथ कधीच सोडणार नाही. मी जर त्यांना सोडले तर धाराशिवच्या जनतेने मला जोड्याने मारावे, असे म्हणणारा हा माणूस आहे, असे म्हणत ठाकरे गटाचे खासदार राऊत यांनी ओमराजे निंबाळकर यांच्यावर निशाणा साधला आहे. संजय राऊत म्हणाले की, लोकसभेला आमच्या 10 जागा निवडून आल्या होत्या त्यापैकी एक जागा एकनाथ शिंदेंनी चोरीली. त्यांनी वंदना सुर्यवंशी यांना फोन करत निर्णय जाहीर करण्याचे आदेश दिले. ती बाईसुद्धा दलाल होती तिने आदेश ऐकला, नाहीतर ती जागा आमचा होती. ती बाई शिंदेंची दलाल होती, तिच्यावर नंतर अनेक आरोप झाले, कारवाई झाले हे सर्वांनी पाहिले आहे. शेणातील किडे हे शेणात गेले, त्यांच्यावर बोलून काय फायदा नाही. शिंदे आणि त्यांचे लोकं बाडगे आहेत. एकनाथ शिंदे काय यशवंतराव चव्हाण आहेत का? संजय राऊत म्हणाले की, एकनाथ शिंदे काय यशवंतराव चव्हाण आहेत का? ते केवळ एक उपमुख्यमंत्री आहेत उद्या असतील की नाही सांगता येत नाही. ठेकेदारांकडून आलेल्या पैशावर माणसं विकत घेण्याची त्यांची क्षमता उद्या असेल का नाही हे सांगता येत नाही. अजित पवारांची ही ताकद एकेकाळी होती पण माणूस आज आहे, उद्या नाही. बाळासाहेब ठाकरेंनी पदाचा 3 वेळा राजीनामा दिला होता. उद्धव ठाकरे यांनी त्यांच्या भावना व्यक्त केल्या आहेत आम्ही त्यांना राजीनामा देऊ देणार नाही. शिंदे गटाचे आई-बाप अमित शहा संजय राऊत म्हणाले की, कालच्या कार्यक्रमात मी भाषण करणारच होतो पण वेळ झाल्याने मी भाषण केले नाही. शिवसेनेचे दोन वर्धापनदिन कसे असू शकतात. ज्या गटाची स्थापना 4 वर्षांपूर्वी झाली ते शहा यांचे टेस्ट ट्यूब बेबी आहे त्यांना 60 वर्षांचे प्रमाणपत्र कसे देऊ शकतात. हा कसला चमत्कार आहे, शिंदे गटाचे आई-बाप अमित शहा आहेत. त्यांचा डीएनए काढावा लागेल.आम्हाला कार्यक्रमासाठी माणसं बोलावून आणावी लागली नाहीत. आमचे 6 कोल्हे पळाले संजय राऊत म्हणाले की, 6 खासदारांनी ठाकरे गट सोडला हे काही ऑपरेशन टायगर नाही. आमच्याकडचे 6 कोल्हे पळाले त्यांची सुंता केली आहे. टायगर सर्व आमच्यासोबत आहेत. काही लोकांनी स्वत:ला बाजारात विक्रीसाठी उभे केले, एकनाथ शिंदे यांच्याकडे पैसा आहे त्यांनी यांना विकत घेतले. शिंदेंकडे मोठ्या प्रमाणात पैसा आहे त्यांनी खासदार विकत घेतले यामध्ये कसले आले ऑपरेशन घंटा हे सर्व जण शिंदेंच्या दारी घंटा वाजवत बसतील. आता राजकारणात श्वास घेणं खूप अवघड झाले आहे.