थकीत मानधन त्वरित अदा करा
उमेद – महिला कल्याणकारी मंडळ शाखा मारेगावची मागणी
मारेगांव तालुका प्रतिनिधी:- सुरेश पाचभाई
[9922862184]
सविस्तर वृत्त असे की.
मारेगाव तालुक्यातील उमेद – महाराष्ट्र राज्य जीवनोन्नती अभियान अंतर्गत कार्यरत असलेल्या समुह संसाधन व्यक्तींचे मानधन थकीत आहे.गेल्या 12 महिन्या पासुन थकीत मानधन त्वरित अदा करा व मानधना मध्ये वाढ करावी या प्रमुख मागणीसाठी उमेदच्या महिलांनी आज दिनांक 6 एप्रिल 2022 ला पंचायत समिती मारेगाव व तहसील कार्यालयावर धडक देवून उमेद- कल्याणकारी मंडळ तालुका शाखा मारेगाव च्या वतीने तहसीलदार मार्फत राज्याचे ग्राम विकास मंत्री नामदार हसन मुश्रीफ यांना निवेदन देण्यात आले.
राष्ट्रीय ग्रामीण जीवनोन्नती अभियान उमेद अंतर्गत सर्व समूह संसाधन व्यक्ती कोविड – 19 च्या परस्तीती पासून अभियानाचे काम सातत्याने करीत आहे.कोविड -19 चा सर्वत्र प्रादुर्भाव असतांना देखील अभियानाच्या सर्व समूह संसाधन व्यक्तींनी ग्रामीण भागात केलेल्या मास निर्मिती कार्याची अवघ्या महाराष्ट्रात दखल घेण्यात आली.तसेच ग्रामीण भागातील कोविड लसीकरण मोहिमेत उमेद महिला समूह संसाधन व्यक्तींचे मोठया प्रमाणात सहभाग देवून शासनाचा उपक्रम यशस्वीपणे राबविला.गेल्या 12 महिन्या पासून मानधन थकीत असता तरी पण उमेदच्या कामात खंड पडू दिला नाही.करिता विविध मागण्यांसाठी उमेद च्या महिलांनी तहसीलदार व गटविकास अधिकारी यांच्या मार्फत ग्राम विकास मंत्री नामदार हसन मुश्रीफ यांना निवेदन देण्यात आले.
यात उमेद समूह संसाधन व्यक्ती यांच्या मानधनात किमान 5 ते 7 हजार रुपये वाढ करण्यात यावी.गेल्या 12 महिन्या पासून समूह संसाधन व्यक्तीचे थकीत असलेले मानधन तत्काळ अदा करण्यात यावे.तसेच मानधन अग्रीम स्वरूपात ग्रामसभा/प्रभाग संघात कायमस्वरूपी ठेवण्यात यावे.
अभियानामध्ये सी.एस. सी.अंतर्गत भरती न करता आमच्या समूह संसाधन व्यक्ती मधील शैक्षणिक गुणवत्ता अनुभवाच्या आधारे पात्र उमेदवार संधी द्यावी. व सर्व्ह समुह संसधन व्यक्तीचे कौटोबिक आरोग्य विमा कडण्यासाथी आर्थिक सह्यता देण्यात यावी.
वरील मागण्या लवकरात लवकर पूर्ण न झाल्यास नाईलाजास्तव आमच्या हक्कासाठी आंदोलन करण्यात येईल असा इशारा त्यांनी निवेदनातून दिलेला आहे..