बातमी ऐका (Marathi Voice Reader)
आजच्या धकाधकीच्या व तणावपूर्ण जीवनशैलीत निरोगी आरोग्य राखणे हे मोठे आव्हान बनले आहे. अशा काळात येथे १२ वर्षांपासून ‘आरोग्य यज्ञ’ सुरू आहे. मुंबई-ठाणे येथील ‘अंबिका योग कुटीर’च्या लासलगाव शाखेने ७०० हून अधिक नागरिकांना योगाचे विनामूल्य धडे देऊन त्यांचे जीवन निरोगी बनवण्याचे महत्त्वपूर्ण कार्य केले आहे. योगसाधनेचा वर्ग सन २०१४ पासून सुरू झालेल्या या शाखेच्या वतीने आतापर्यंत ३ महिन्यांची जवळपास ५० हून अधिक योग प्रशिक्षण शिबिरे यशस्वीपणे राबवण्यात आली आहेत. लासलगावसह विंचूर, निफाड परिसरातील विविध शाळांमध्ये जाऊन हे प्रशिक्षक विद्यार्थ्यांना व नागरिकांना विनामूल्य मार्गदर्शन करतात. तीन महिन्यांच्या प्रशिक्षण शिबिरांमध्ये साधकांकडून शास्त्रोक्त पद्धतीने विविध प्रकारची आसने आणि प्राणायाम करून घेतले जातात. यामुळे दिवसभराचा तणाव कमी होऊन प्रकृती सुधारण्यास मोठी मदत झाल्याची पावती अनेक साधकांनी दिली आहे. ^मन व शरीराच्या स्वास्थासाठी योग हा उत्तम पर्याय आहे. मात्र, केवळ एक दिवसयोग करून फायदा होणार नाही, तर तो दैनंदिन जीवनाचा भाग बनावा. – जुगलकिशोर चतुर्वेदी, योग प्रशिक्षक किशोर होळकर, जुगलकिशोर चतुर्वेदी, रवींद्र इंगळे, तुषार देवरे आणि अमिता ब्रह्मेचा हे ५ प्रमुख प्रशिक्षक यासाठी अथक परिश्रम घेत आहेत. परमपूज्य भगरी बाबा मंदिराच्या आवारात दररोज पहाटे ५.३० ते ६.३० या वेळेत हे वर्ग चालतात. सध्या दररोज १० ते १५ साधक प्रत्यक्ष (ऑफलाईन), तर १५ ते २० साधक ऑनलाईन पद्धतीने घरबसल्या योगाचे धडे घेत आहेत. मुंबई-ठाणे येथील मुख्य केंद्र असलेल्या ‘अंबिका योग कुटीर’च्या संपूर्ण महाराष्ट्रात १०० पेक्षा अधिक शाखा कार्यरत आहेत. प्रशिक्षित शिक्षकांच्या माध्यमातून समाजाला आजारांपासून दूर ठेवणे आणि सुदृढ पिढी निर्माण करणे, हेच या संस्थेचे मुख्य ध्येय असून, लासलगाव शाखेने यात आपले अमूल्य योगदान दिले आहे. भगरी बाबा मंदिर आवारात रोज पहाटे ५.३० ते ६.३० वर्ग योग हा केवळ एका दिवसाचा उत्सव नाही शिबिरात शिकवले जाणारे योगप्रकार आसने / प्राणायाम : कपालभाती, अनुलोम-विलोम, भस्त्रिका, भ्रामरी, अग्निसार उभे राहून करायची आसने : ताडासन, उष्ट्रासन, गरुडासन, उत्कटासन, वृक्षासन, जानुशिरासन, अर्धचक्रासन बसून करायची आसने : आकर्णधनुरासन, मत्स्यासन, अर्धमत्स्येंद्रासन, शशांकासन
