बातमी ऐका (Marathi Voice Reader)
पिंपरी-चिंचवड महानगरपालिकेच्या आरक्षित जागेवर स्व. अजितदादा पवार यांच्या कार्याची आणि आठवणींची जपणूक करणारी ‘अजितसृष्टी’ उभारण्यासाठी आवश्यक कार्यवाही करण्यात यावी, तसेच संबंधित जागेवरील एमआयडीसीचे प्लॉटिंग तात्काळ थांबवावे, असे निर्देश महाराष्ट्र विधानसभेचे उपाध्यक्ष अण्णा बनसोडे यांनी दिले. विधानभवनातील बैठकीत त्यांनी चिंचवड येथील आरक्षण क्रमांक ३०१ असलेल्या पर्यटन केंद्रासाठी राखीव जागेच्या संदर्भात आढावा घेतला. विकास आराखड्यात पर्यटन केंद्रासाठी राखीव असलेल्या या जागेवर एमआयडीसीकडून प्लॉटिंग करून ती खाजगी उद्योजकांना विक्री करण्याचे नियोजन होत असल्याची बाब समोर आली आहे. यामुळे विकास आराखड्यातील आरक्षणाला बाधा पोहोचण्याची शक्यता असल्याने हे नियोजन रद्द करण्याचे निर्देश बनसोडे यांनी दिले. या परिसरात मोठ्या प्रमाणात निवासी वस्ती असून, आरक्षित जागेचे मूळ स्वरूप कायम ठेवणे आवश्यक असल्याचे त्यांनी स्पष्ट केले. तसेच पिंपरी-चिंचवड महानगरपालिकेने पर्यटन केंद्राचे आरक्षण कायम ठेवून त्या ठिकाणी ‘अजितसृष्टी’ उभारण्यासाठी आवश्यक ती कार्यवाही करावी, असेही त्यांनी सांगितले. या बैठकीस एमआयडीसी आणि महापालिकेचे वरिष्ठ अधिकारी उपस्थित होते. सत्तेत जाताच मग्रुरी:फुटीर खासदार संजय दिना पाटील यांची पत्रकारांना धमकी; म्हणाले- कॅमेरा बंद करा, नाहीतर मारून पाठवीन VIDEO
ईशान्य मुंबईचे खासदार संजय दिना पाटील यांनी शिवसेना (उद्धव बाळासाहेब ठाकरे) पक्ष सोडून उपमुख्यमंत्री एकनाथ शिंदे यांच्या नेतृत्वाखालील शिवसेनेत प्रवेश केल्यानंतर राज्यातील राजकारण चांगलेच तापले आहे. संजय दिना पाटील यांनी शिवसैनिकांना ‘बॉम्ब टाकून, घरात घुसून मारण्याची’ धमकी दिल्यावरून शिवसेना (उबाठा) नेते खासदार संजय राऊत आक्रमक झाले असून, त्यांनी पोलिस आयुक्तांकडे पाटलांच्या अटकेची मागणी केली आहे. मात्र, या प्रकरणावर जाब विचारणाऱ्या पत्रकारांवरच खासदार संजय दिना पाटील यांचा तोल सुटला. त्यांनी कॅमेऱ्यासमोर पत्रकारांना अत्यंत खालच्या पातळीची शिवीगाळ करत मारहाण करण्याची धमकी दिली आहे. सविस्तर वाचा
