लग्नानंतर सगळं सुरुळीत होतं, पण पतीची भयंकर डिमांड, विवाहितेनं…, छ. संभाजीनगर हादरलं!

छत्रपती संभाजीनगर : वारंवार पैशांची मागणी करून विवाहितेचा शारीरिक व मानसिक छळ करण्यात आला. तसेच शिवीगाळ, मारहाण करत उपाशी ठेवून भयंकर त्रास दिला. या सगळ्याला कंटाळून छत्रपती संभाजीनगर येथील विवाहितेनं टोकाचा निर्णय घेतला. तबस्सुम साबेर शेख असं मृत विवाहितेचं नाव आहे. या प्रकरणी वाळूज एमआयडीसी पोलीस ठाण्यात पतीसह सासू-सासऱ्यांविरुद्ध गुन्हा दाखल करण्यात आला आहे. याप्रकरणी भाऊ तालेब मकबुल अन्सारी यांनी फिर्याद दिली आहे.

फिर्यादीनुसार, तालेब अन्सारी यांच्या बहिणीचे नाव तबस्सुम असून तिचा विवाह साबेर शेख याच्यासोबत गंगापूर तालुक्यातील जोगेश्वरी येथे झाला होता. सुरुवातीला सासरच्यांकडून चांगली वागणूक देण्यात आली. मात्र, नंतर 15 डिसेंबर 2016 ते 12 ऑगस्ट 2026 या कालावधीत पती साबेर शेख, सासरे जुबेर शेख आणि सासू हरजाना शेख यांनी तबस्सुम हिच्याकडे वेळोवेळी पैशांची मागणी केली.

गोदावरी नदीपात्रात मासेमारीसाठी जाळं टाकलं, पाण्यात उतरताच विजेचा तीव्र धक्का, सख्ख्या भावांचा जागीच मृत्यू

पैशांची मागणी पूर्ण करण्यासाठी तबस्सुम हिच्यावर वारंवार दबाव टाकण्यात आला. शिवीगाळ करून मारहाण करण्यात आली. तसेच विवाहितेला उपाशी ठेवून शारीरिक आणि मानसिक त्रास दिल्याचा आरोप आहे. सासरच्या मंडळींकडून होत असलेल्या या त्रासाला कंटाळून तबस्सुम हिने आत्महत्या केल्याचे फिर्यादीत नमूद करण्यात आले आहे.

या प्रकरणी मृत विवाहितेच्या भावाच्या फिर्यादीवरून 17 ऑगस्ट 2026 रोजी रात्री 9.10 वाजता वाळूज एमआयडीसी पोलीस ठाण्यात गुन्हा क्रमांक 798/2026 नुसार गुन्हा दाखल करण्यात आला. पती साबेर शेख, सासरे जुबेर शेख आणि सासू हरजाना शेख यांच्याविरुद्ध शारीरिक व मानसिक छळ करून आत्महत्या करण्यास प्रवृत्त केल्याचा आरोप असून भारतीय न्याय संहितेच्या कलम 108, 85, 115(2), 3(5) तसेच हुंडाबंदी अधिनियमाच्या कलम 3 आणि 4 अंतर्गत गुन्हा दाखल करण्यात आला आहे. या प्रकरणाचा पुढील तपास पोलीस उपनिरीक्षक सांगळे करीत आहेत.