मराठमोळ्या सचिनच्या घरी ओणमचं सेलिब्रेशन, अख्खं तेंडुलकर कुटुंब जमलं, पण एका गेस्टने सगळ्यांचं लक्ष वेधलं!

मुंबई : जागतिक क्रिकेटमधला महान खेळाडू सचिन तेंडुलकरने कुटुंब आणि मित्रांसोबत ओणमच्या सणाचं जल्लोषात सेलिब्रेशन केलं. सचिनने त्याच्या सोशल मीडियावरून याचा फोटो शेअर केला. या फोटोमध्ये सचिनचं कुटुंब आणि त्याचे मित्र डायनिंग टेबलवर बसून जेवणाचा आस्वाद घेताना दिसत आहेत. पण या फोटोमध्ये एक पाहुणा असाही आहे, ज्याने सगळ्यांचं लक्ष वेधून घेतलं.

फोटोमध्ये सचिन तेंडुलकर कुटुंब आणि मित्रांसोबत डायनिंग टेबलवर बसून हसताना दिसत आहे. तसंच टेबल वेगेवेगळ्या पक्वानांनी सजलं आहे, त्यामुळे घरातील वातावरणही आनंदी आणि प्रसन्न आहे. ओणमच्या निमित्ताने सचिन त्याचे मित्र आणि कुटुंबासोबत खास क्षण एन्जॉय करताना दिसत आहे.

सचिनने हा फोटो शेअर करतानाच चाहत्यांना एक हिंट दिली. तुम्हाला कुणाला बाऊन्सर सापडतोय का? ज्याला बाऊन्सर सापडेल त्याला एक्स्ट्रा मिठाई देण्यात येईल, असं कॅप्शन सचिनने त्याच्या या पोस्टला दिलं आहे. सचिनने दिलेल्या या चॅलेंजनंतर त्याच्या चाहत्यांनीही फोटो निरखून पाहायला सुरूवात केली आणि कमेंटमध्ये याचं उत्तर दिलं.

या फोटोची खरी कहाणी टेबलच्या खाली लपली होती. सचिनचा पाळीव श्वान बाऊन्सरदेखील कुटुंबाच्या सेलिब्रेशनचा भाग होता, पम तो कॅमेरासमोर यायच्यऐवजी टेबलच्या खाली लपून बसला होता. सचिनने चाहत्यांना फोटोमध्ये बाऊन्सरला शोधण्याचं चॅलेंज दिलं.

Was too busy enjoying the food, the family, and the fur to post about it! Happy Onam to those who celebrated.

PS: Extra piece of dessert for whoever can spot Bouncer pic.twitter.com/OVPO5zJXaz
— Sachin Tendulkar (@sachin_rt) August 27, 2026

‘मी कुटुंब, जेवण आणि माझ्या फरवाल्या सहकाऱ्यासोबत सेलिब्रेशन करण्यात इतका बिझी होतो, त्यामुळे आधी पोस्ट करू शकलो नाही. फोटोमध्ये बाऊन्सरला शोधू शकाल का? ज्याला सापडेल त्याला मिठाईचा जास्तचा तुकडा मिळेल’, असं सचिन त्याच्या पोस्टमध्ये म्हणाला. सचिनच्या या पोस्टवर चाहत्यांकडून कौतुकाचा वर्षाव होत आहे.

घरातील पाळीव श्वान कायम कुटुंबासोबतच असतं, अशी कमेंट काहींनी केली आहे. तर फॅमिली, फिस्ट आणि फोर लेग गेस्ट, अशी कमेंट युजरने केली आहे. तर काहींनी सचिन त्याच्या कुटुंबासोबत जेवत असतानाही बाऊन्सरला सोबत ठेवतो, याचंही कौतुक केलं आहे.