ब्रेकिंग न्यूज
⚡ Pune News: दीर अन् सासूच निघाले ‘व्हिलन’; आधी पतीचं निधन, आता शिक्षिकेला लेकीच्या वाढदिवसादिवशी संपवलं, पुण… ✦ ⚡ रेल्वेत सावज हेरायची, प्रसाद म्हणून चिक्की द्यायची अन्… महिलेचं कांड पाहून सगळ्यांना धक्का, सोलापुरात मोठ… ✦ ⚡ मारेगाव–यवतमाळ महामार्गावर अज्ञात वाहनाची रोह्याला धडक! ✦ ⚡ घोडदरा शिवारात वाघाचे पगमार्क; शेतकऱ्यांमध्ये भीतीचे वातावरण! ✦ ⚡ ‘एचआयव्ही’ग्रस्त असल्यानं पत्नी सोडून गेली; पुण्यात चुलत्यानं अल्पवयीन पुतणीवरच केला अत्याचार, जामीन अर्जाव… ✦ ⚡ IND vs NZ : केएल राहुल 5 रनवर असताना मैदानात मोठा ड्रामा… हेन्रीला कॅप्टनने वेड्यात काढलं, पण पुढच्या 2 म… ✦ ⚡ MPSC गट-क परीक्षेसाठी जम्बो भरती, तुम्ही करताय तयारी? अनुभवी विद्यार्थ्यांनी दिले 5 सिक्रेट टिप्स! Video ✦ ⚡ CRIME : ‘आई कुणीतरी मला ब्लॅकमेल करतंय’, हरिश्चंद्रगडाच्या कोकणकड्यावरून 20 वर्षाच्या तरुणाचा संशयास्पद मृत… ✦ ⚡ Chandrapur News : चौकात मानवी कवटी, रुळाजवळ छिन्नविच्छिन्न मृतदेह; चंद्रपुरात खळबळ उडवणाऱ्या घटनेबाबत पोलि… ✦ ⚡ Chandrapur News : चौकात मानवी कवटी, रुळाजवळ छिन्नविच्छिन्न मृतदेह; चंद्रपुरात खळबळ उडवणाऱ्या घटनेबाबत पोलि…
SP News Maregaon

नागपूर हळहळलं! भरधाव ट्रेलरने कुटुंबाला चिरडलं, पती-पत्नीसह 4 वर्षीय चिमुकल्याचा जागीच अंत

9 Views
🔊
बातमी ऐका (Marathi Voice Reader)


Nagpur Accident News: नागपूरच्या वर्धा मार्गावरील जामठा परिसरातील गौसी-मानापूरजवळ एक भीषण अपघाताची घटना घडली आहे. भरधाव वेगात येणाऱ्या एका ट्रेलरने दुचाकीला मागून जोरदार धडक दिल्याने एकाच कुटुंबातील तिघांचा दुर्दैवी मृत्यू झाला आहे. मृतांमध्ये पती-पत्नी आणि त्यांच्या चार वर्षांच्या चिमुकल्याचा समावेश आहे. या अपघातात त्यांचा सहा वर्षांचा एक मुलगा देखील गंभीर जखमी झाला असून त्याच्यावर रुग्णालयात उपचार सुरू आहे. त्याची प्रकृती चिंताजनक असल्याची माहिती आहे.
नेमकी दुर्घटना कशी घडली?
मिळालेल्या माहितीनुसार, मृत योगेश नाईक हे आपल्या कुटुंबासह दुचाकीवरून जात असताना जामठा परिसरातील गौसी-मानापूरजवळ हा अपघात घडला. पाठीमागून अत्यंत वेगाने येणाऱ्या ट्रेलर चालकाने दुचाकीला जोरदार धडक दिली. धडक इतकी जोरदार होती की, दुचाकीवरील चौघेही रस्त्यावर फेकले गेले. या भीषण अपघातात योगेश नाईक, त्यांची पत्नी सुनीता नाईक आणि चार वर्षांचा मुलगा गुलशन नाईक या तिघांचाही गंभीर दुखापतींमुळे जागीच मृत्यू झाला.
सहा वर्षांचा मुलगा गंभीर
या दुर्घटनेत सहा वर्षांचा मुलगा तन्मय नाईक हा थोडक्यात बचावला आहे. मात्र त्याची प्रकृती गंभीर असल्याची माहिती आहे. अपघातानंतर त्याला तत्काळ नागपूर येथील एम्स (AIIMS) रुग्णालयात दाखल करण्यात आले असून त्याच्यावर उपचार सुरू आहेत.

मृत योगेश नाईक हे मूळचे मध्य प्रदेशातील बालाघाट येथील रहिवासी होते. ते कामानिमित्त नागपुरात राहायला आले होते. आपल्या कुटुंबासह नागपूरजवळील बुटीबोरी एमआयडीसी (MIDC) परिसरात ते वास्तव्याला होते. कामावरून परतत असतानाच या सुखी कुटुंबावर काळाने झडप घातली.

अपघाताची तीव्रता एवढी भीषण होती की, घटनेनंतर स्थानिक नागरिकांनी घटनास्थळी धाव घेतली. मात्र, संधी साधून ट्रेलर चालक अपघातग्रस्त वाहन जागीच सोडून घटनास्थळावरून पसार झाला आहे. घटनेची माहिती मिळताच पोलिसांनी घटनास्थळी पोहोचून पंचनामा केला असून फरार ट्रेलर चालकाचा शोध सुरू केला आहे. या घटनेमुळे परिसरात तीव्र शोककळा पसरली आहे.

ही बातमी शेअर करा
प्रतिक्रिया द्या
⚡ मारेगाव फ्लॅश व्हिडिओ पहा
↓ रिफ्रेश करण्यासाठी खाली ओढा
💬 चॅटवर शेअर करा 📢 स्टेटसवर शेअर करा
📱 नेटिव्ह शेअर