# परिक्षा काळात विद्यार्थ्यांचे हाल
तालुका प्रतिनीधी :-झरी (जामणी) ज्ञानेश्वर आवारी
( 88059 79173)
सविस्तर वृत्त असे की..
झरी जामणी :- गेल्या दोन वर्षांपासून लालपरी चे दर्शन झरी तालुका वासियांसाठी दुर्लभ झाले आहे . 2020 च्या पहिल्या टप्प्यात लॉक डाऊन मध्ये राज्यात बससेवा बंद करण्यात आली . त्यानंतर मध्यंतरी काही थोडा काळ लाक डाऊन शिथिल करण्यात आले . बससेवा सुरू झाल्या होत्या परंतु खराब रस्त्यांमुळे पांढरकवडा झरी व इतर गावात येणाऱ्या बसेस बंद होत्या . आता बस कर्मचाऱ्यांच्या बेमुदत संपावर असल्यामुळे झरी साठी एकही फेरी सुरु नाही .
शाळा कॉलेज सुर झाले आहेत. मात्र ग्रामीण भागातील विद्यार्थ्यांना पांढरकवडा ,वणी या शहरात व पाटण , मुकुटबन ,पाटणबोरी झरी या गावात शिकणाऱ्या विद्यार्थ्यांची मोठी फरपट चालली आहे . वेळेवर व नियमित शाळेत जाणे कठीण होत आहे . बारावी ची परिक्षा चालू आहे दहावीची परीक्षा सुरु आहे आहे. वेळेवर केंद्रावर पोहचण्यासाठी स्पेशल वाहन करण्याची वेळ आली आहे .
जेष्ठ नागरिकांना कमी पैशात महिलांना सुरक्षित प्रवास करणे कठीण होत आहे. खाजगी वाहनांवर प्रवाशांची भिस्त असून क्षमतेपेक्षा जास्त चाललेली प्रवासी वाहतूक जिवावर बेतण्याची शक्यता नाकारता येत नाही .
