मारेगाव तालुका प्रतिनीधी..
सुरेश पाचभाई [ 992286218]
सविस्तर वृत्त असे की..
मारेगाव तालुक्यातील म्हैसदोडका येथे दिनांक 28 मार्च रोजी दुपारी 12 सुमारास राहत्या घराला आग लागून घरातली वस्तु आगीने जळुण खाक झाल्याची घटना घडली असुन यात मोठे आर्थिक नुकसान झाले आहे. 28 मार्च रोजी विमल चंद्रभान आत्राम म्हैसदोडका, या महिलेने देवपूजा करताना देवघरात दिवा लावला आणि देव पूजा झाल्यानंतर ती दुसऱ्या कामाला लागली.याच वेळी उंदराने पेटती वात पळवली आणि घराला आग लागली.त्यावेळी कुटुंबातील कोणीही घरी उपस्थित नव्हते.
घरातून आगीचा धूर निघत असल्याने शेजाऱ्यांच्या लक्षात आले त्यांनी आरडा ओरडा केला.आणि गावातील काही नागरिकांच्या मदतीने मिळेल त्या वस्तूने पाणी टाकून आग विझवली. पण तो पर्यंत घरातील जीवनावश्यक वस्तू, कपडे, मुलांचे शाळेचे कागदपत्रे जळुन खाक झाल्याने प्रचंड आर्थिक नुकसान झाले आहे. मात्र आगीत कोणतीही जीवित हानी झाली नाही.
या आगीची माहिती महसूल विभागाला लेखी स्वरूपात दिली असून महसूल विभागाचे वतीने आगीच्या नुकसानीचा तपास सुरू आहे.
