सुट्टी असल्याने जीवितहानी टळली.
मारेगांव तालुका प्रतिनिधी:- सुरेश पाचभाई
[9922862184]
मारेगाव तालुक्यात गेल्या तीन ते चार दिवसांपासून सतत पाऊस कोसळत आहे. त्यातच आज दिनांक 9 जुलै 2022 रोज शनिवारला दुपारी सुमारे 2 वाजताच्या सुमारास पुन्हा जोरदार पावसाने हजेरी लावली. पावसा सोबतच विजेच्या कडकडाटालाही सुरुवात होऊन मारेगाव येथील पंचायत समितीच्या आवारात असलेल्या निंबाच्या झाडावर वीज कोसळली. पण सुदैवाने यामध्ये कोणतीही जीवितहानी झाली नाही.
तालुक्यात गेल्या तीन ते चार दिवसांपासून पावसाने जोरदार एंट्री केली आहेत. आणि पावसासोबत विजांचा कडकडाट आणि वीज कोसळणे हे आता नित्याचेच झालेले आहेत. मागील चार दिवसांपासून सुरु असलेल्या पावसाने तालुक्यातील शेतकरी तसेच नागरिकांचे जनजीवन विस्कळीत झालेले आहे. आज दुपारी मारेगाव शहरात जोरदार मुसळधार पाऊस सुरु असतांना विजेचा जोरदार कडकडाट सुरू झाला. आणि पंचायत समितीच्या आवारात असलेल्या निंबाच्या झाडावर विज कोसळली.
त्यामुळे निंबाचा झाळाचा काही भाग जळालेला आहे.पंचायत समिती मध्ये नेहमी नागरिकांची मोठ्या प्रमाणात वर्दळ असते. आणि विसावा म्हणून ते याच वृक्षाखाली बसतात. परंतु सुदैवाने आज सुट्टीचा दिवस असल्यामुळे कार्यालयाला सुट्टी होती. त्या मुळे आज त्या ठिकाणी कोणीही नव्हते..