चोपण येथील घटना.
मारेगांव तालुका प्रतिनिधी:- सुरेश पाचभाई
[9922862184]
मारेगाव तालुक्यात गेल्या पंचवीस दिवसा पासून सतत सुरू असलेल्या पावसामुळे शेतकऱ्यांचा शेतातील पिकाची बिकट अवस्था झाली आहे. त्यात चोपण येथील शेतकऱ्यांनी विषारी कीटकनाशक प्राशन करून आत्महत्या केल्याची घटना आज सोमवार दिनांक 25 जुलै 2022 ला सकाळी 10:30 वाजताच्या सुमारास घटना उघडकीस आली आहे.
गजानन उर्फ सुरेश भदुजी खिरटकर वय सुमारे 45 वर्ष रा.चोपण असे आत्महत्या केलेल्या इसमाचे नाव असून मिळालेल्या माहितीनुसार गजानन उर्फ सुरेश भदुजी खिरटकर यांनी आज दिनांक 25 जुलै 2022 रोज सकाळी10:30 वाजताच्या सुमारास स्वतःच्या राहते घरी विषारी कीटकनाशक प्राशन केल्याची माहिती त्यांच्या कुटबियांना मिळताच कुटुंबियांनी तातडीने उपचारासाठी मारेगाव येथील ग्रामीण रुग्णालयात दाखल केले.
मात्र उपचारा दरम्यान त्यांचा मृत्यू झाला.गजानन यांचे नावाने 9 एकर शेती असल्याची माहिती प्राप्त झाली आहे. त्यांच्या पश्चात पत्नी, व दोन मुले असा आप्त परिवार आहे. या प्रकरणाचा पुढील तपास मारेगाव पोलीस करत आहेत.
