यवतमाळ–वणी राज्य महामार्गावर असलेल्या नायरा पेट्रोलपंप मारेगाव जवळ थरार,सिनेस्टाईलने लूटमार.
गजानन आसुटकर मारेगाव तालुक्यातील नवरगाव येथील बंगाली डॉक्टर प्रभास रवींद्रनाथ हाजरा वय 45 हे प्रॅक्टिस करून मारेगाव येथे घरी परत येत असतांना अज्ञात चार युवकांनी बंदूक-चाकूचा धाक दाखवित पावणे चार लाख रूपये लुटल्याची खळबळजनक घटना काल दिनांक 13 मार्च 2023 रोज सोमवारला सायंकाळी 7:30 वाजताच्या सुमारास घडली.
डॉ.प्रभास हाजरा हे मारेगाव येथील रहिवासी असून मारेगांव तालुक्यातील नवरगाव येथे त्यांचा दवाखाना आहे. ते काल सोमवारला सायंकाळच्या सुमारास दवाखाना बंद करून अँक्टिवा मोटर सायकल क्रमांक MH.29BB.2867 ने मारेगाव येथे परतत असताना त्यांच्या मागुन पांढऱ्या रंगाची स्विप्ट कार MH.31**6307 ही त्यांच्या ऍक्टिवा समोर आडवी लावली.
कारणे आलेल्या चौघांनी यवतमाळ -वणी राज्य महामार्गावर असलेल्या नायरा पेट्रोलपंप समोर त्यांना अडवीले आणि कार मध्ये बसविले व त्यांना चाकू आणि रिव्हॉल्व्हरचा धाक दाखविला व त्यांचेकडून नगदी 24000 व 15 हजार रुपयांची सोन्याची अंगठी आणि 30 हजार रुपयांची सोन्याची चैन,सह मोबाईल ताब्यात घेतला व या युवकांनी डॉक्टर प्रभास रवींद्रनाथ हाजरा यांना तब्बल 2.5 लाखाची मागणी केली.
पैसे दिले नाही तर अपहरण करून हत्या करण्याची धमकी दिली.आणि करंजीकडे नेले सुमारे दोन तास राज्य महामार्गावर चाललेल्या या थरारात डॉ.हाजरा हे कमालीचे घाबरले.त्यांनी भिती मुळे 2.5 लाख रुपये देण्यास होकार दिला आणि त्यांनी वणी येथील मित्रा कडून व्यवस्था केली.त्यांनी कारमध्ये कोंबून डॉक्टरला घेवुन वणी येथे गेले.वणीत पोहचल्या नंतर कारच्या आतील एका युवकाने कारचा काच थोडा उघडला आणि मित्राकडून बोलाविलेले रोख 2.5 लाख रुपये ताब्यात घेतले.
काही अंतरावर त्यांनी डॉ.हाजरा यांना सोडून कारसह युवक पसार झाले.असून त्यांच्या जवळील नगदी 24000 रु, सोन्याची 5 ग्रॅमची अंगठी किं अं 15000, गळ्यातील सोन्याची चेन वजन 12 ग्रम किं 30000 रूपये हिसकावून त्यांना मारण्याची धमकी देवुन 2500000 रुपयाची मागणी केली.या घटणे मुळे मारेगाव तालुक्यात दहशतीसह एकच खळबळ उडाली आहे.
किमान दोन ते अडीच तासाच्या ह्या लुटमारी संदर्भात मारेगाव पोलिस ठाण्यात तक्रार दाखल करण्यात आली असून अज्ञात इसमा विरोधात बळजबरीने अपहरण करणे आणि गंभीर दुखापत करणे,शस्र बाळगून जिवानिशी मारण्याची धमकी देणे व लूटमार करणे या बाबत.
कलम 392,363,364 (अ),3/25, 4/25 नुसार गुन्हा दाखल करण्यात आला आहे.तालुक्यात वाढत्या गुन्हेगारीला आळा बसणे अत्यंत गरजेचे झाले असुन या सदर प्रकरणाचा पुढील तपास पोलीस अधिक्षक,अप्पर पोलीस अधिक्षक,यांचे मार्गदर्शनाखाली ठाणेदार राजेश पुरी व यांचे पथक करीत आहे.
