मारेगाव ते कोलगाव रस्त्यावरील घटना
सुरेश पाचभाई मारेगाव,
कोलगाव येथून मारेगाव कडे भरधाव वेगाने येत असलेला ऑटो मारेगाव शहरापासुन अगदी हाकेच्या अंतरावर नियंत्रण सुटून पलटी झाला. ही घटना आज दिनांक 8 जानेवारी 2024 रोज सोमवारला दुपारी 1:45 वाजताच्या सुमारास घडली.यात एक व्यक्ती जागीच ठार झाला तर दुसरा गंभीर जखमी झाला आहे.
सविस्तर वृत्त असे की..
कोलगाव वरून मारेगाव येथे येण्यासाठी एक शॉर्टकट रस्ता आहे.या रस्त्याने वाहणांची मोठया प्रमाणात ये-जा सुरु असते. भावेश हा आपला ऑटो घेऊन कोलगाववरून मारेगाव येत होता.ऑटो मारेगाव जवळ आला आणि त्याने ऑटोवरील संतुलन गमावले.अशातच ऑटो पलटी झाला.
यात ऑटोचालक भावेश विकास केळकर वय 37 वर्ष रा.मारेगाव प्रभाग क्रमांक 13 याचा जागीच मृत्यू झाला.तर दिनेश उईके वय सुमारे 40 वर्ष रा.वडगांव ह.मु.कोलगाव असे गंभीर व्यक्तीचे नाव आहे.भावेश हा आज दिनांक 8 जानेवारी 2024 रोज सोमवारला तो मारेगाव येथून कोलगाव येथे ऑटोने गेला होता.परतीच्या प्रवासात मारेगाव कडे येत होता पण रस्त्यातच त्याचा ऑटो पलटी झाला.
ह्या अपघातात भावेश याचा घटनास्थळीच मृत्यू झाला.तर सदर ऑटोतील इतर एक व्यक्ती गंभीर जखमी झाले.अपघात होताच रस्त्यानी ये-जा करणाऱ्या काही नागरिकांनी घटनास्थळी धाव घेतली व सदर घटनेची माहिती मारेगाव पोलीसांना दिली व जखमीना मारेगाव येथील ग्रामीण रुग्णालयात दाखल केले आहे.मृतक भावेशच्या पश्चात आई,वडील,पत्नी,बहीण,जावई असा आप्तपरिवार आहे.या घटनेचा पुढील तपास मारेगाव पोलीस करत आहे.
