तालुका प्रतिनीधी :-झरी (जामनी) ज्ञानेश्वर आवारी
[88059 79173]
झरी जामणी:- वन्यजीव निलगाय मास बाळगल्याने आरोपी नामे भिमराव अय्या कुमरे रा.जुनोनी ता.झरीजामणी जि.यवतमाळ यास तीन महीने साधा कारावास व पाचशे रुपये दंडाची शिक्षा प्रथम वर्ग न्यायदंडाधिकारी श्री बी.एस.वाढई यांनी दि.०३/०७/२०२३ रोजी सुनावली आहे.
सविस्तर वृत्त असे की..
दि.१४.१२.२०१२ रोजी सकाळी ९.३० वाजताचे दरम्यान एच.एल.कांबळे सहाय्यक वनसरंक्षक पांढरकवडा यांना गुप्त माहिती मिळाली कि मौजा जुनोनि ता.झरी येथे निलगाय मासांची अवैधरित्या विक्री चालु आहे.
वरुन त्यांनी त्यांचे कर्मचारी घेवुन जुनोनि गावात आले व संशयावरून आरोपी भिमराव अय्या कुमरे यांचे घराची झडती घेण्यासाठी वनरक्षक आंबेकर याची नियुक्ती केली वरुन आंबेकर यांनी पंच्यासमक्ष घरझडती घेतली असता घरातुन व स्नानग्रुहातुन निलगाय वन्यप्राण्याचे अंदाजे दोन किलो कच्चे मास तसेच जाळी,बाईडींग ताराचे फासे,बँटरी,टोपली असे शिकार साहित्य जप्त केले व शिकारी करीता ईतर करीता ईतर आरोपी नामे सूर्यभान लक्ष्मण आत्राम, रामेश्वर भिमा उईके,विश्वनाथ वाघुजी गेडाम हे सहकार्य केल्याने सर्व आरोपी विरुध्द एच.एल.कांबळे यांनी वन्यजीव सरक्षंण अधिनियम १९७२ चे कलम ९,३९,४४,५२,अंतर्गत वनगुन्हा दाखल करुन प्राथमिक तपास केला
व उर्वरीत तपास तत्कालीन वनपरिक्षेत्र अधिकारी वाय.बी.नागुलवार यांनी करुन प्रकरण न्यायप्रविष्ठ केले प्रकरणात सरकारी पक्षाचे वतीने फिर्यादी,पंच नामे प्राचार्य रमजान विराणी,वनरक्षक आंबेकर,वनपाल पी.व्ही.सोनुले यांचे सह पाच साक्षदारांचे पुरावे नोंदविण्यात आले साक्षदाराचे बयाण ग्राह्य धरुन न्यायालयाने आरोपी नामे भिमराव कुमरे यास वरील प्रमाणे शिक्षा सुनावली व ईतर आरोपींना निर्दोष मुक्त केले यात सरकारी पक्षाचे वतीने सहाय्यक सरकारी वकील श्री.पी.डी. कपुर यांनी काम पाहिले.
