– रस्त्यात खड्याचे साम्राज्य खड्डे रस्त्यात की खड्यात रस्ता
– खड्या मुळे नागरिक भोगताहेत नरकयातना
सुरेश पाचभाई मारेगांव,
मारेगांव तालुक्यातील करणवाडी,नवरगाव ते म्हैसदोडका, रोहपट या रस्त्याचे काम गेल्या अनेक वर्षापासून करण्यात आले नाही.त्या मुळे या रस्त्यावर मोठ्याप्रमाणात खड्डे तयार झालेले आहे.या रस्त्यावर थोडीशी तात्पुरती अर्धवट करणवाडी बस स्टॉप पासून करणवाडी गावाबाहेरील स्मशानभुमी पर्यंत थातुत मातुर डागडुजी करण्यात आली.ते पण निकृष्ठ असल्याने उखडून खड्डे व गिट्टी चे साम्राज्य निर्माण झाले आहे.
तालुक्यातील करणवाडी ते नवरगाव,
हीवरी,अर्जुनी,सगणापुर,म्हैसदोडका,रोहपट सह हा रस्ता अनेक गावाला जाण्याकरिता एकमेव मार्ग असुन तो अखेरची घटका मोजत आहे.यावर्षी पडलेल्या अतिवृष्टीमुळे ह्या रस्त्याची अवस्था एवढी बिकट झालेली आहे की वाहन दुरच राहीले पण पायदळ चालणे सुद्धा कठीण होऊन बसले आहे.
सार्वजनिक बांधकाम विभाग मारेगांव अंतर्गत येत असलेल्या करणवाडी ते म्हैसदोडका,रोहपट रस्ता हा गेल्या अनेक वर्षां पासून तयार करण्यात आला नाही.उखळलेल्या रस्त्याने अनेकांच्या दुचाकी पंचर होत आहे.या मार्गाने जाणाऱ्या चार चाकी वाहन चालकाला मोठी कसरत करत वाहन चालवताना दिसत आहे.
या मार्गावरील गावकरी नागरिकांना एखाद्याचे आरोग्य बिघडल्यास त्याला तालुक्याच्या ठिकाणी नेण्यास मोठी कसरत करावी लागत आहे.त्याच बरोबर नवरगाव या गावा पासुन काही अंतरावर असलेल्या नाल्यावरील पुलावर दीड – दीड फुटाचे खड्डे पडले आहे त्या खड्या मुळे एखादा मोठा अपघात होण्याची शक्यता नाकारता येत नाही.
त्याच प्रमाणे बाहेरगावी शाळेत ये-जा करणाऱ्या विद्यार्थ्यांना खड्यामुळे अथक त्रास सहन करावा लागला आहे.हा रस्ता पूर्णपणे उखळुन रस्त्यात खड्याचे साम्राज्य निर्माण झाले आहे.या रस्त्याने पायदळ चालने सुद्धा कठीण बाब आहे.ह्या रस्त्या मुळे परीसरातील नागरिकांना नाहक त्रास सहन करावा लागत आहे.
या रस्त्याने ये -जा करणाऱ्याला वाटते की रस्त्यात खड्डे की खड्यात रस्ता. हा रस्ता सार्वजनिक बांधकाम विभाग मारेगांव अंतर्गत येत असुन या भागातील नागरिकांनी अनेक निवेदन आणि उपोषण सुद्धा रस्त्यांसाठी केल्याची माहिती नागरिकांनी दिली आहे.हा रस्ता लवकरात लवकर करण्यात यावा अशी परीसरात नागरिकांची मागणी आहे.
