आखाडा बाळापूर पोलिस ठाण्यांतर्गत जामगव्हाण तांडा शिवारात स्थानिक गुन्हे शाखेच्या पथकाने झन्नामन्ना जुगार अड्डयावर छापा टाकून ३ दुचाकी, ४ मोबाईलसह ३.०५ लाख रुपयांचा मुद्देमाल जप्त केला आहे. याप्रकरणी आखाडा बाळापूर पोलिस ठाण्यात सात जणांवर शुक्रवारी ता. २ रात्री गुन्हा दाखल झाला आहे. हिंगोलीचे पोलिस अधीक्षक निलभ रोहन यांनी जिल्हाभरात अवैध व्यवसायावर छापे टाकण्यासाठी विशेष पथक स्थापन केले आहे. स्थानिक पोलिस ठाण्याच्या पथकासह स्थानिक गुन्हे शाखेचे पथक देखील कार्यरत ठेवण्यात आले आहे. अवैध व्यवसाय करणाऱ्यांची माहिती घेऊन छापे टाकण्याची मोहिम हाती घेण्यात आली आहे. त्यानुसार गुन्हे शाखेचे निरीक्षक मोहन भोसले, पोलिस निरीक्षक विष्णूकांत गुठ्ठे यांच्या मार्गदर्शनाखाली सहाय्यक पोलिस निरीक्षक शिवसांब घेवारे, जमादार भुजंग कोकरे, गजानन पोकळे, हरिभाऊ गुंजकर, साईनाथ कंठे, नरेंद्र साळवे, ज्ञानेश्वर गोरे, आकाश टापरे, विठ्ठल जाधव यांच्या पथकाने आखाडा बाळापूर पोलिस ठाण्यांतर्गत जामगव्हाणतांडा शिवारात जुगार अड्डयावर छापा टाकला. साध्या वेशात छापा टाकण्यासाठी गेलेले पोलिसांचे पथक जुगाऱ्यांच्या लक्षात आलेच नाही. यावेळी त्या ठिकाणी सात जण जुगार खेळत असल्याचे दिसून आले. पोलिसांनी धरपकड सुरु करताच एक जण अंधाराचा फायदा घेऊन पळून गेला तर सहा जणांना पोलिसांनी ताब्यात घेतले. पोलिसांनी घटनास्थळावरून ३१ हजार रुपये रोख, तीन दुचाकी व चार मोबाईल असा ३.०५ लाख रुपयांचा मुद्देमाल जप्त केला आहे. याप्रकरणी शेख अन्सार (रा. वारंगा), अनिल चव्हाण (रा. जामगव्हाण), राजू राठोड, अर्जुन शिंदे (रा. भाटेगाव), दादाराव नादरे (रा. गिरगाव), बाळू पानपट्टे (रा.कुर्तडी) व अन्य एका विरुध्द आखाडा बाळापूर पोलिस ठाण्यात गुन्हा दाखल झाला आहे.
जामगव्हाण तांडा शिवारात जुगार अड्ड्यावर छापा:३ दुचाकी, ४ मोबाईलसह ३.०५ लाखांचा मुद्देमाल जप्त; पोलिस अधीक्षकांच्या पथकाची कामगिरी
Ad Banner
Show Comments (0)
Hide Comments (0)
Subscribe
Login
0 Comments
Oldest
