पुसद येथे एकाच वेळी सहा अवैध सावकारांवर कारवाई:सहकार विभागाच्या सहा पथकांचे छापे, आक्षेपार्ह्य दस्तऐवज जप्त‎

अवैध सावकारी संदर्भात प्राप्त तक्रारीवरुन सावकार विरोधी पथकाने शहरात एकाच वेळी सहा पथके तयार करुन अवैध सावकारी करणाऱ्या सहा ठिकाणांवर छापे मारले. शहरातील विविध भागांत मंगळवारी २६ मे रोजी एकाच दिवशी ही कारवाई केली. या कारवाईंत ९८ आक्षेपार्ह्य दस्तऐवज जप्त केल्याची माहिती आहे. या कारवाईत सावकाराचे सहाय्यक निबंधक, सहाय्यक निबंधक, सहकारी संस्था यांच्याकडे शिल्पा सुरोशे रा. हनुमान वॉर्ड यांच्या प्राप्त तक्रारीवरुन यशवंत बाबुराव पल्लेवार रा. उदासी वॉर्ड, यांच्या घरी महाराष्ट्र सावकारी (नियमन) अधिनियम २०१४ चे कलम १६ नुसार अधिकाराचा वापर करुन झडती कार्यवाही केली. यात आक्षेपार्ह १८ कागदपत्रे, दस्तऐवज, कोरे धनादेश व इतर कागदपत्रे जप्त केले. भालचंद्र धुमाळ रा. धनकेश्वर यांनी दिलेल्या तक्रारीवरुन सुनिल राजेश्वर कोमरवल्लीवार, उर्वरित. पान ४ कारवाईत या पथकाचा समावेश या कारवाई जिल्हा सनियंत्रण समिती अध्यक्ष जिल्हाधिकारी विकास मिना, सदस्य जिल्हा पोलिस अधीक्षक कुमार चिंता, सचिव जिल्हा उपनिबंधक सहकारी संस्था, नानासाहेब चव्हाण, तहसीलदार पुसद यांच्या मार्गदर्शनात व सहाय्यक निबंधक सहकारी संस्था पुसद के. एस. मस्के यांच्या नियोजनात एकूण ६ सावकारी पथकाद्वारे ही कारवाई केली. त्यात कैलाश खटटारे सहाय्यक निबंधक सहकारी संस्था घाटंजी, व्ही. के. हिरुडकर सहाय्यक निबंधक सहकारी संस्था दारव्हा. ए. के. सुरपाम सहाय्यक निबंधक सहकारी संस्था दिग्रस, अनिल नाईक सहाय्यक निबंधक सहकारी संस्था राळेगाव, प्रकाश झळके सहकार अधिकारी श्रेणी-१ यांनी पथकाचे प्रतिनिधीत्व केले.