बातमी ऐका (Marathi Voice Reader)
नियमित योग करा आनंदी व निरोगी जीवन जगा, असा संदेश ना. डॉ. अशोक उनके यांनी दिला. येथील पोलिस कवायत मैदान येथे आयोजित करण्यात आलेल्या योग दिवस कार्यक्रमाच्या उद्घाटनाप्रसंगी ते बोलत होते. पोलिस प्रशासन, पतंजली योग समिती, आर्ट ऑफ लिविंग,जनार्दन स्वामी योगाभ्यासी मंडळ व भाजपा यवतमाळ, मदन येरावार मित्रपरिवार आयोजित योग दिवस कार्यक्रम पोलिस कवायत मैदान येथे पार पडला. या वेळी जिल्हा पोलिस अधीक्षक कुमार चिंता, नगराध्यक्ष प्रियदर्शनी उईके, अपर पोलिस अधीक्षक अशोक थोरात, भाजपचे महामंत्री आणि योग आयोजन समितीचे समन्वयक राजु पडगीलवार यांच्या प्रमुख उपस्थितीत दीप प्रज्वलन करून कार्यक्रमाची सुरुवात झाली. योग आयोजन समितीचे समन्वयक राजू पडगिलवार यांनी सर्वांना संकल्पची शपथ दिली. यावेळी योगशिक्षक म्हणून जनार्दन स्वामींचे महेश जोशी, पतंजलीचे संदीप खांदवे, शरद टेम्भेकर, माया चव्हाण, प्रतिभा खसाळे, आर्ट ऑफ लिविंग कडून पूजा शेटे, प्रदीप उमरे, नीरज जयस्वाल, गजानन बिल्लावर यांनी योग प्रशिक्षण दिले. यावेळी पोलिस प्रशासनाच्या वतीने अप्पर पोलिस अधीक्षक अशोक थोरात, जिल्हा वाहतूक शाखा प्रमुख ज्ञानोबा देवकते, स्थानिक गुन्हे शाखा प्रमुख सतीश चवरे, अवधूतवाडीचे ठाणेदार अजित कदम, लोहारा पोलिस स्टेशनचे ठाणेदार रोहित चौधरी, आयुर्वेदिक महाविद्यालयाचे डॉ. राजीव मुंदाणे, डॉ. समीर बेलूरकर, डॉ. मनोज येरावार, पतंजली योग समितीचे संजय चाफले, पंडित वारंगे, जनार्दन स्वामी योगाभ्यासी मंडळाचे मनीष गुबे, कीर्ती राऊत, पूजा घोडे, योग नृत्य परिवाराचे संतोष वर्मा, माणिक मेहरे, सतीश बनगीनवार, क्रीडा भारती, आरोग्य भारती, तनिष्क महिला व्यासपीठ, राष्ट्रीय स्वयंसेवक संघ, निमा संघटना, नंदानु योग केंद्र, शक्ती फाउंडेशन, भाजपा उडान महिला मंच, जिजाऊ फौंडेशन, शारीरिक शिक्षक संघटना आदी सामाजिक संस्थेचे प्रतिनिधी उपस्थित होते.
