धुलीवंदनच्या मुहूर्तावर बोरी(गदाजी) येथील भव्य गोटामार यात्रा उत्सव.
मारेगांव तालुका प्रतिनिधी:- सुरेश पाचभाई
[9922862184]
सविस्तर वृत्त असे की..
मारेगाव तालुक्यातील शेवटच्या टोकाला असलेल्या बोरी(गदाजी) येथे होलिका पर्वावर 2 दिवसीय यात्रा महोत्सव शुक्रवार दिनांक 18 मार्चला सुरु होत असुन ही गेल्या अनेक वर्षांपूर्वी पासुन परंपरा आहे.
बोरी गदाजी येथील गोटमार यात्रेला अनेक वर्षापुर्वीपासुन परंपरा असुन राज्यासह लगतच्या राज्यात ही यात्रा प्रसिद्ध आहे. गावाच्या बाजूला लागूनच असलेल्या वाहणाऱ्या छोट्याश्या नदीत श्री गदाजी महाराज यांचे मंदिर असून धुली वंदणाच्या दिवशी येथे 2 दिवसीय यात्रेचे आयोजन कमेटी तर्फे करण्यात येते.
धुलीवंदनाच्या दिवसी येथील मंदिराच्या परिसरात प्रसिद्ध गोटामार खेळल्या जाते. मंदिरा शेजारी मचान उभारून त्यावर दगडासह काही भाविक असतात. मचानीवर असलेले भाविक जमीनी वरील भाविकांवर दगडाने गोटमार करतात. तर जमीनी वरील भाविक माळ्यावरील भाविकावर दगडाने गोटमार करीत असुन जवळपास सुमारे 3ते 4तास हा खेळ सुरू असतो. जेव्हा एखाद्या भक्ताला दगड लागुन जखमी होऊन भक्त जमिनीवर कोसळतो तेव्हा हा खेळ थांबवुन जखमी भक्ताला मंदिरात घेवुन जातात. त्यानंतरच तो जखमी भक्त बरा होत असल्याची माहीती गावकरीऱ्या कडून प्राप्त होते.
गोटमारची परंपरा जोपासत ही यात्रा कोरोणाचा कालावधी सोडला तर सातत्याने भरवल्या जात होती शनिवार दिनांक 12 मार्चला घटस्थापणा करण्यात येणार आहे. तर शुक्रवार दिनांक 18 मार्च रोजी सकाळी गोटमार व त्या नंतर काला करण्यात येणार आहे व 21 मार्च ला पाखड पुजा करण्यात येणार आहे.
या दरम्यान यात्रेच्या आयोजनाची तयारी पुर्ण झाल्याची माहीती असुन भाविकांनी दर्शनासाठी व यात्रेचा लाभ घेण्याचे विश्वस्तांनी आवाहन केले आहे….
