वसंतनगर (वागधरा) येथील घटना.
मारेगांव तालुका प्रतिनिधी:- सुरेश पाचभाई
[9922862184]
मारेगाव : पांढरकवड्याकडून वसंतनगर वागधऱ्या कडे जाणाऱ्या मार्गांवर चारचाकी टाटा सुमो गोल्ड वाहनाने धडक दिल्याने 15 वर्षाची मुलगी गंभीर जखमी झाली. रत्नमाला पुणाजी मेश्राम 15 रा. वागधरा ता.मारेगाव जि.यवतमाळ असे या अपघातात गंभीर जखमी झालेल्या मुलीचे नाव आहे. ही घटना दिनांक 2 मे 2022 रोजी सोमवारला 6 वाजता सुमारास घडली.
सविस्तर वृत्त असे की. रत्नमाला ही गावाशेजारी रोडच्या बाजुला बकऱ्या चारत होती. दरम्यान,पांढरकवडाहुन सुमो गोल्ड कंपनीचे वाहन क्रमांक MH. 34 AV.9545 या भरधाव येणाऱ्या वाहनाने जोरदार धडक दिली, या धडकेत 15 वर्षीय बालिका गंभीर जखमी झाली. तिला तात्काळ नागरीकांनी उपचारासाठी उमरी येथील येशू ख्रिस्त रूग्णालयात उपचारासाठी दाखल केले. तूर्तास रत्नमालाचे दोन्ही पाय फॅक्चर असल्याची माहिती आहे.
या घटनेची माहिती मारेगाव पोलीसांना मिळताच पोलीस घटनास्थळी दाखल झाले घटनास्थळावरून वाहन चालकासह चारचाकी वाहन ताब्यात घेण्यात आले.
सदर घटनेचा पुढील तपास ठाणेदार राजेश पुरी यांच्या मार्गदर्शनाखाली मारेगाव पोलिस करित आहे.
