संघटनेच्या अध्यक्षपदी, विलास होलगीलवार तर सचिव पदी, राजीव आगरकर यांची निवड.
केळापुर तालुका प्रतिनिधी :- सागर मुडे
[ 9822147144 ]
करंजी रोड: लोकशाहीचा चवथा स्तंभ म्हणजेच पत्रकारिता होय. लोकशाहीत पत्रकारांची भूमिका महत्त्वाची असते म्हणूनच ग्रामीण भागातील सर्व सामान्य जनतेच्या समस्या प्रशासनाच्या पटलावर मांडण्याचा मुख्य हेतूने प्रेरीत होत, “करंजी रोड पत्रकार संघटनेचा”उदघाटन सोहळा दिनांक 19 ऑक्टोबर 2022 ला मोठ्या उत्साहात संपन्न झाला.
करंजी येथील राष्ट्रीय महामार्ग क्रमांक 44 वरील (नागपूर पॉईंट ) येथे “करंजी रोड पत्रकार संघटनेचा ” उद्घाटन व फलक अनावरण बुधवार दिनांक 19 ऑक्टोबरला दुपारी 12:30 वाजता पांढरकवडा पोलीस स्टेशनचे पोलीस निरीक्षक जगदीशजी मंडलवार, पोलीस उपनिरीक्षक संदीप बारिंगे, बीट जमादार प्रमोद जुनूनकर ,शशिकांत चांदेकर, उमेश कुमरे, करंजी पोलीस पाटील वंदनाताई खैरे ,स्वावलंबी महिला बचत गटाच्या सर्व पदाधिकारी तसेच परिसरातील सर्व पोलीस पाटील बांधव ,करंजी व्यापारी संघटनेचे सर्व पदाधिकारी करंजी येथील सामाजिक कार्यकर्ते तसेच करंजी रोड पत्रकार संघटनेचे सर्व पदाधिकारी यांच्या उपस्थितीत उदघाटन सोहळा पार पडला.
उद्घाटन कार्यक्रमाच्या वेळी सर्वप्रथम, कार्यक्रमाचे उद्घाटक श्री.जगदीशजी मंडलवार यांचे करंजी रोड पत्रकार संघटनेमार्फत मोठ्या उत्साहात स्वागत करण्यात आले. त्यानंतर उद्घाटक यांनी करंजी रोड पत्रकार संघटनेच्या फलकाचे पूजन व अनावरण केले. याप्रसंगी मार्गदर्शनपर मनोगत व्यक्त करताना त्यांनी,” पत्रकार हा सर्वसमावेशक, निर्भीड ,सर्वधर्मीय व सत्याची बाजू घेऊन लेखणीत मांडणारा असावा असे मनोगत व्यक्त केले’.
तसेच “करंजी रोड पत्रकार संघटनेला” उज्वल भविष्यासाठी शुभकामना दिल्या. तत्पूर्वी दिनांक 14 ऑक्टोबर 2022 ला करंजी रोड पत्रकार संघटना,कार्यकारणी गठीत करून सर्वानुमते ‘करंजी रोड पत्रकार संघटनेचे’ अध्यक्षपदी विलास होलगिलवार तर उपाध्यक्षपदी अमोल कांबळे आणि संघटनेच्या सचिव पदी राजीव आगरकर यांची सर्वानुमते निवड करण्यात आली. तर सदस्य गणामध्ये सुनील वनकर ,सागर मुडे व धनराज दहिगुडे यांची नियुक्ती करण्यात आली.
