तालुका प्रतिनिधी:केळापुर
केळापुर तालुक्यातील : करंजी गावा जवळील राष्ट्रीय महामार्ग क्रमांक 44 वर ट्रक आणि दुचाकीच्या जबरदस्त धडकेत एक पुरुष व एक महीला जागीच ठार झाले. ही दुर्दैवी घटना आज गुरुवरला दिनांक 17 नोव्हेंबर 2022 दुपाच्या सुमारास घडली आहे.
नागपूरकडून हैदराबादकडे जाणारा ट्रक क्रमांक UP 92 T 3569 व गडचांदूर येथील मोटरसायकल क्रमांक MH 34 BX 6739 यांचा भीषण अपघात झाला. दरम्यान या अपघातात मोटरसायकलवर जात असलेले गोकुळदास शामराव लांडगे वय सुमारे 45 वर्ष रा. वैशाली नगर गडचांदुर जि.चंद्रपूर व सोबतची एका महीलेची ओळख पटली नाही.
दुचकीस्वारा जवळील आधार कार्ड, ड्रायव्हिंग लायसन्स वरुण ओळख पटली आहे. ह्या दुर्दैवी घटनेत एकाचा जागीच मृत्यू झाला तर महिलेला दवाखान्यात नेत असताना रस्त्यात मृत्यू झाल्याची माहिती सूत्राकडून प्राप्त झाली आहे.घटनेची माहिती परीसरात वाऱ्यासारखी पसरताच नागरिकांनी बघण्यासाठी मोठी गर्दी केली होती.
या घटनेची माहिती पांढरकवडा पोलिसांना मिळताच पोलीस घटनास्थळी दाखल झाले घटनेचा पंचनामा करून मृतदेह शवविच्छेदनासाठी पांढरकवडा येथील उपजिल्हा रुग्णालयात पाठविण्यात आले असून या घटनेचा पुढील तपास पांढरकवडा पोलिस करत आहे.
