तालुका प्रतिनीधी :-झरी (जामनी) ज्ञानेश्वर आवारी
[88059 79173]
शेतजमीन मोजणीला अडथळा केल्याप्रकरणी आरोपी नामे गंगन्ना आशन्ना ड्यागर्लावार व नरसाबाई आशन्ना ड्यागर्लावार दोन्ही रा.पाटण ता.झरीजामणी जि.यवतमाळ यांना प्रत्येकी बाराशे रुपये दंडाची शिक्षा प्रथम वर्ग न्यायदंडाधिकारी श्री बी.एस.वाढई यांनी दी. २४/०५/२०२३ रोजी सुनावली आहे.
सविस्तर वृत्त असे.
की दिवाणी न्यायालय झरी येथील एका दिवाणी दाव्यातील दोन्ही पक्षकारांचे शेतजमीनीची संयुक्त मोजणी करीता कोर्ट कमीश्नर म्हणून न्यायालयाने तालुका भुमी अभिलेख कार्यालयातील भुमापक रवि सोयाम यांची नियुक्ती केली होती त्यावरून भुमापकाने दि.१५.०९.२०२१ रोजी शेतजमीन मोजणी करीता मोक्यावर गेले होते.
सोबत पोलीस कर्मचारी सुद्धा होते त्यावेळी लगतचे शेतकरी आरोपी यांनी त्यांचे गटात भुमापकास झेंड्या गाडु दिले नाही व झेंड्या लावल्यास आम्ही आत्महत्या करतो अशी धमकी देत मोजणीला अडथळा केला वरुन भुमापकाने न्यायालयात अहवाल दाखल केला त्यावरुन न्यायालयाने आरोपी विरूद्ध भादवीचे कलम १८६,१८७,१८८,१८९,५०६,३४अंतर्गत दोषारोप निश्चित केले.
प्रकरणात सरकारी पक्षाचे वतीने भुमापक व पोलीसाचे पुरावे नोंदविण्यात आले साक्षदाराचे बयाण ग्राह्य धरुन न्यायालयाने आरोपी मायलेकास वरील प्रमाणे शिक्षा सुनावली यात सरकारी पक्षाचे वतीने सहाय्यक सरकारी वकील श्री पी डी कपुर व पैरवी अधिकारी म्हणून जमादार मारोती टोंगे व नापोका संतोष मडावी यांनी काम पाहीले.
