श्री.गुरुदेव सेवा मंडळ तथा श्री.गुरुदेव सेवा महिला मंडळ, घोडदरा यांचा पुढाकार
सुरेश पाचभाई मारेगाव
मारेगाव तालुक्यातील घोडदरा येथे आज दिनांक 8 फेब्रुवारी 2025 ते 10 फेब्रुवारी 2025 पर्यंत राष्ट्रसंत श्री.तुकडोजी महाराज यांच्या तीन दिवसीय 56 वा पुण्यस्मरण सोहळ्याचे आयोजन हनुमान मंदीर व राष्ट्रसंत तुकडोजी महाराज परिसरात, श्री गुरुदेव सेवा मंडळ तथा श्री.गुरुदेव सेवा महिला मंडळ, घोडदरा यांचा पुढाकाराने करण्यात आले आहे.या कार्यक्रमास भाविकांनी उपस्थित राहण्याचे आवाहन आयोजन समितीकडुन करण्यात आले आहे.
गाव करी ते राय न करी । ऐसे सांगूनी ठेविते चतुरी ॥
जरी दाद न घेता अधिकारी । गांव त्या सुधारू शके ।
जीवन सुखी व उन्नत व्हावे या दष्टीने ग्रामगीता या युग संजिवनी ग्रंथाची राष्ट्रसंत तुकडोजी महाराज यांनी निर्मिती केली. खंजरी भजनाच्या निनादाने मानव कल्याणाचा मार्ग मोकळा व्हावा.
तसेच स्वच्छतेच्या, व्यसन मुक्तीचा व सुसंस्काराचा संदेश प्रत्येक ग्रामात व घराघरात पोहोचवावा आणि नवयुवकांना राष्ट्रधर्म प्रेरणा मिळावी,जीवन सुखी व उन्नत व्हावे या दृष्टीने ग्रामगीता या युग संजिवनी ग्रंथाची राष्ट्रसंत तुकडोजी महाराज यांनी निर्मिती केली.तोच वारसा अविरत पुढे चालावा यासाठी श्री गुरुदेव सेवा मंडळ तथा श्री.गुरुदेव सेवा महिला मंडळ, घोडदरा यांचा पुढाकाराने घोडदरा येथे राष्ट्रसंत श्री तुकडोजी महाराज यांचा तीन दिवसीय 56 वा पुण्यस्मरण सोहळ्याचे आयोजन करण्यात आले असून या कार्यक्रमास हजारोच्या संख्येत उपस्थित राहण्याचे आयोजन आयोजन समितीकडुन करण्यात आले आहे.
