तालुका प्रतिनीधी :-झरी (जामनी) ज्ञानेश्वर आवारी
[88059 79173]
झरी पंचायत समिती अंतर्गत जिल्हा परिषदेची जामणी येथील शाळा विविध उपक्रमात नेहमी अग्रेसर असते .राष्ट्रीय कार्यक्रम असो अथवा विद्यार्थी गुणवत्ता किंवा शिक्षण विभाग अंतर्गत राबविल्या जाणाऱ्या विविध क्रीडा स्पर्धा .या सर्व बाबींमध्ये शाळेचा सक्रिय सहभाग असतो .स्वातंत्र्याचा अमृत महोत्सव या अनुषंगाने जिल्हा परिषद शाळा जामणी येथे विविध स्पर्धेचे आयोजन करून विद्यार्थ्यांच्या कलागुणांना विकसित करण्यात आले.
या अमृत महोत्सवाअंतर्गत जिल्हा परिषदेच्या जामणी येथील शाळेत वक्तृत्व स्पर्धा, निबंध स्पर्धा, चित्रकला स्पर्धा, रांगोळी स्पर्धा व समूह नृत्य स्पर्धा इत्यादी स्पर्धांचे आयोजन करण्यात आले. केंद्र स्तरावरा नंतर झरी तहसिल चे तहसिलदार माननिय जोशी साहेब यांनी तहसील कार्यालय झरी येथे तालुका स्तरिय विविध स्पर्धांचे आयोजन केले.झालेल्या तालुकास्तरीय विविध स्पर्धांमध्ये येथील विद्यार्थ्यांचा प्रथम क्रमांक आला.
त्या अनुषंगाने तहसीलदार यांच्या हस्ते जिल्हा परिषदेचे जिल्हा परिषद जामणी येथील विद्यार्थ्यांना विविध पुरस्कार तसेच सन्मानचिन्ह देऊन सन्मानित करण्यात आले. त्याचप्रमाणे जिल्हा परिषद शाळेचे मुख्याध्यापक विनोद मडावी तसेच सहाय्यक शिक्षक देवराव मेश्राम तसेच सुवर्णा अक्कलवार यांचा सुद्धा सत्कार करण्यात आला.शाळेच्या विद्यार्थ्यांनी आदिवासी नृत्याचे अतिशय उत्कृष्ट सादरीकरण केले.नायब एम.एस.रामगुंडे नायब तहसिलदार ब्राम्हणवाडे यांच्या हस्ते विद्यार्थी शिक्षक तसेच शिक्षिका या सर्वांचा प्रशस्तीपत्र देऊन व सन्मानचिन्ह देऊन सत्कार करण्यात आला.
सदर कार्यक्रमाचे आयोजन जोशी साहेब तर नियोजन पंधरे साहेब यांनी केले.कार्यक्रमाचे सुत्रसंचलन विनोद मडावी तर आभार प्रदर्शन केमेकर सर ह्यांनी केले.सदर कार्यक्रमास शिक्षण विभागाच्या वतीने सर्व प्र.केंद्रप्रमुख व आपल्या विद्यार्थ्यांसह शिक्षक बांधव व तहसिल कार्यालयाचे कर्मचारी तसेच बहुसंख्य पालक व गावकरी उपस्थित होते.स्वा स्वातंत्र्याच्या अमृत महोत्सवाच्या उत्कृष्ट आयोजनाबाबत झरीचे पोलीस पाटील पुरुषोत्तम जीवतोडे व शिक्षण विभागाचे सर्व केंद्रप्रमुख यांच्या हस्ते सन्माननीय तहसीलदार यांचा सत्कार करण्यात आला.
